مەسرور بارزانی ژڤانێ میکانزما ئەنجامدانا چاکسازیان ئاشکەرا دکەت

ئەڤرۆ نیوز:
شیرەتکارێ جڤاتا ئاسایشا ھەرێما کوردستانێ راگەھاند، پشتی سەرۆکێ ھەرێما کوردستانێ مەسعود بارزانی ژ ئەلمانیا دزڤریت، دێ بەحس ل میکانیزما چاکسازیێ ھێتە کرن.
مەسرور بارزانی شیرەتکارێ جڤاتا ئاسایشا ھەرێما کوردستانێ بۆ کەنالێ کوردستان 24 ئاماژە ب پرسا ڕیفراندۆمێ بۆ دیارکرنا پاشەرۆژا ھەرێما کوردستانێ کر و گۆت” ئەو پرسە ل دەمەکێ گونجای دا دێ ھێتە ئەنجامدان و پارتی مەبدەئییەن پشتەڤانیێ لێ دکەت و پێدڤیە ل دەمێ گونجایێ خوەدا کو لایەنێ پەیوەندیدار و ئەوێ ب ڕێڤەدبەت دیار دکەت، بھێتە ئەنجامدان”.
ب دیتنا شیرەتکارێ جڤاتا ئاسایشا ھەرێما کوردستانێ، قەیرانا سەرەکی کو ڕوو ب ڕوویێ ھەرێما کوردستانێ بووی، قەیرانا سیاسی یە و پێدڤیە بھێتە چارەسەرکرن.
ڕۆژا 26 کانوونا دویێ 2016، مەسعود بارزانی، سەرۆکێ ھەرێما کوردستانێ ل گەل حزب و لایەنێن سیاسی یێن ھەرێما کوردستانێ کۆمببو و داخواز ژێ کربوو بەرھەڤیان بکەن، ھەتاکو بەری ئەنجامدانا ھەلبژارتنێن سەرۆکاتیا ئەمریکا کو دێ ل مەھا تشرینا دویێ 2016 ێ ھێنە ئەنجامدان، ڕیفراندۆم ل ھەرێما کوردستانێ بھێتە کرن.
ھەر ل ڕۆژا 10 شوباتا 2016 ێ، مەسعود بارزانی چەندین پێنگاڤ بۆ چاکسازیێ دناڤ پارتی دیموکراتی کوردستان و حوکمەتا ھەرێما کوردستانێ دا راگەھاندبوون.

کۆمێنتا تە