مەسرور بارزانی: گرنگە حوكمەتەكا ب هێز و ئێكگرتی و خزمەتگوزار بهێتە پێكئینان
دوهی ئێكشەمبی 23/2/2025، مەسرور بارزانی، سەرۆكێ حوكمەتا هەرێما كوردستانێ، پێشوازی ل ستیڤن هیچن، بالیۆزێ بریتانیا ل ئیراقێ كر.
حوكمەتا هەرێما كوردستانێ د بەیاننامەیەكێدا ئاماژە ب وێ چەندێ كر» رەوشا گشتییا ئیراقێ و دەڤەرێ و پێدڤییا چارەسەركرنا كێشەیان د ناڤبەرا هەرێما كوردستانێ و حوكمەتا فیدرال ل سەر بنەمایێ دستووری و رێزگرتنێ ل قەوارەیێ دستووریێ هەرێما كوردستانێ و فیدرالییا هەرێمێ هاتە گەنگەشەكرن».
وەكو د بەیاننامەیێ دا هاتی» سەرۆكێ حوكمەتا هەرێمێ سوپاسییا بالیۆزی كر ب هەلكەفتا ب دووماهی هاتنا ئەركێ وی و هیڤییا سەركەفتنێ د ئەركێ وی یێ داهاتیدا بۆ خواست».
تەوەرەكێ دی یێ كۆمبوونێ، تایبەت بوو ب دانوستاندنێن پێكئینانا كابینەیا نوو یا حوكمەتا هەرێما كوردستانێ. سەبارەت ڤی بابەتی ئاماژە ب وێ چەندێ هاتە كرن» هەردو ئالی د هەڤڕابوون ل سەر گرنگییا پێكئینانا حوكمەتەكا ب هێز و ئێكگرتی و خزمەتگوزار د زووترین دەمدا، ژ پێحەمەت روو ب رووبوونا ئاستەنگان و درێژەدانێ ب كارنامەیا چاكسازیێ و خزمەتكرنا هەڤوەلاتیێن هەرێما كوردستانێ».
