مەسرور بارزانی: گەلەك خەمباربووم ب كارەساتا ئاگربەربوونا باژێرێ كۆت
مەسرور بارزانی، سەرۆكێ حوكمەتا هەرێما كوردستانێ پەیامەك ل دۆر روودانا ئاگربەربوونا باژێرێ كۆت بەلاڤكر.
د پەیاما خوە دا سەرۆكێ حوكمەتا هەرێمێ گوت» گەلەك خەمباربووم ب گوهلێبوونا كارەساتا ئاگربەربوونێ ل باژێرێ كۆت. هەڤخەمییا خوە ئاراستەی بنەمال و كەسوكارێن قوربانییان دكەم و هیڤییا چاكبوونا ب لەز بۆ برینداران دخوازم».
مەسرور بارزانی گوت ژی» وەكو هەردەم دەرگەهێ هەرێما كوردستانێ بۆ هەموو لێقەومییان یێ ڤەكریە و وەزارەتا ساخلەمیێ ل هەرێمێ و هەموو دامودەزگەهێن مە د بەرهەڤن بۆ چارەسەرییا برینداران و پێشكێشكرنا هەر هاریكارییەكا پێدڤی».
