نابیت ئەڤ جۆرێ ترۆمبێلان بهێنە دناڤا هەرێما كوردستانێ دا
ئەڤرۆ نیوز ، زنار تۆڤی :
لدووڤ بریارەکا حوکمەتا هەرێما كوردستانێ،ئەو ترۆمبێلێن پەراشۆتێن وان پەقین و ئەو ترۆمبێلێن ژ پشكنینێ دەرناچن، نابیت بهێنە ناڤ هەرێما كوردستانێ و دێ هێنه ڤەگەراندن بۆ جهێن وان.
نەقیب هێرش سەعید ئەفسەر ل پشکا هونەری یا هاتنوچوونا هەرێما كوردستانێ راگەهاندیە،کو لدووڤ بڕیارەکا حوکمەتا هەرێما كوردستانێ ل ١٥-٥-٢٠١٨ دێ پشكنینا كۆمپیوتەری بۆ وان ترۆمبێلان هێتە کرن،یێن دهێنە دناڤا هەرێما كوردستانێ دا.
هەروەسا گوتیە،ب تایبەتی پشكنین دێ وان ترۆمبێلان ڤەگریت یێن کو سیستەمێ وان یێ ڤەکری و ئەوێن پەراشۆتێن وان پەقین(ڤەبووین)،لەوما هەر ترۆمبێلەکا ژ وێ پشكنینێ دەرنەچیت،دێ هێتە ڤەگەراندن بۆ وی وەلاتێ ژێ هاتی و ناهێتە دناڤا هەرێمێ دا.