ناتانياهۆ ل كۆنفرانسێ ميونشين به‌لگه‌كى دژى ئيرانێ نيشان دده‌ت
ئه‌ڤرۆينوز:
سه‌رۆك وه‌زرێن ئيسرائيلێ دكۆنفرانسێ ئاسايشا جيهانى دا ل ميونشن ل ئه‌لمانيا، به‌لگه‌كێ ده‌ستێوه‌ردانا ئيرانێ دكاروبارێن سووريێ دا وهێرشكرنێ ل سه‌ر ئيسرائيلێ به‌رچاڤ دكه‌ت.
بنامين ناتانياهۆ، سه‌رۆك وه‌زيرێن ئيسرائيلێ، ئه‌ڤرۆ ئێكشه‌مبى 18/2/2018 ل دووماهى رۆژا كۆنفرانسێ ميونشن يێ ئاسايشا جيهانى، راگه‌هاند” ئيران مه‌زنترين مه‌ترسيه ل سه‌ر ئاسايشا جيهانێ وئيسرائيل رێگريێ ل بزاڤێن ئيرانێ دكه‌ت بۆ دامه‌زراندنا بنگه‌هه‌كێ له‌شكرى يێ به‌رده‌وام ل سووريێ”.
سه‌رۆك وه‌زيرێن ئيسرائيلێ ب نيشاندانا پارچه‌كا فرۆكه‌كا بێ فرۆكه‌ڤان يا ئيرانى كو ژلايێ ئيسرائيلێ ڤه هاتبوو ژناڤبرن، هوشدارى دا ئيرانێ وگۆت” ئه‌زموونێ ب ئيسرائيلێ نه‌كه‌ن”.
گۆت ژى” هه‌كه پێدڤى بكه‌ت، دێ راسته‌وخوه شه‌رى دژى ئيرانێ كه‌ين، نه‌كو دژى ده‌ست و پێن وێ”.
ل رۆژا 10/2/2018، له‌شكرێ ئيسرائيلى فرۆكه‌كا بێ فرۆكه‌ڤان يا ئيرانى ل ئه‌سمانێ خوه خسته خوار كو چاڤدێريا هێزێن ئيسرائيلێ ل سه‌ر سنورێ دناڤبه‌را سووريێ وئيسرائيلێ دا دكر.
