ناحيه‌كا ده‌شتا مووسل دێ بيته قه‌زا
ئەڤرۆ نیوز،بارزان مزووری:
پشتی بورینا 49 سالان ل سەر دروست بوونا ناحیێن باشیك و حەمام عەلیل وگەیارە، ب برياره‌كا جڤاتا قەزا مووسل ئەو هەرسێ ناحيه دێ بن قەزا هه‌روه‌سا دو كومه‌لگه ژى دێ بنه ناحيه.
مستەفا ئەحمەد، سەرۆكێ جڤاتا قەزا مووسل بۆ ئەڤرۆ نیوز گوت” پشتی هەرسێ ناحيا (باشیك) ل ده‌شتا مووسل و هه‌ردو ناحيێن (گەیارە،حەمام عەلیل) ب نڤیسارێن فەرمی داخواز ژ جڤاتا قەزا مووسل كری كو ئه‌و هه‌رسێ ناحيه ببنه قه‌زا، مە وه‌سا ديت كو مافێ وانایە وبۆ ده‌مێ پێنج هەیڤان مه كار ل سەر داخوازیا وان كر ل دووڤ دا كۆمبونەك هاته ئەنجامدان دگەل هەموو ئەندامێن جڤاتێ و دەنگدان ل سەر وێ بریارێ هاته دان وهەموو ئەندامێن جڤاتێ كو ژ 15 كەسان پێك دهێت دەنگ ل سەر دا كو هەرسێ ناحی ببن قەزا و هەردو كومەلگەهێن(بایبوخت،بازیوە) ژى ببونه ناحيه.
ناڤهاتی خویاكر ئەو بریار بۆ جڤاتا پارێزگەها نه‌ينه‌وا دێ هێتە رەوانەكرن كو كاری ل سەر نەخشەیێ وان باژێران بهێته كرن كو ل ده‌مه‌كێ نێزیك كار بۆ گوهۆرینا نەخشەیێ ناحیێ بۆ نه‌خشه‌يێ قه‌زا بۆ وان بهێته كرن.
