ناسا مه‌زنترین مزگینی بۆ مرۆڤایه‌تیێ رادگه‌هینیت
ئه‌ڤرۆ نیوز: ڤه‌ده‌ر ره‌شاڤایی:
ئاژانسا ئاسمانییا ناسا گه‌له‌ك كه‌س بخوه‌ڤه مژوول كرن ئه‌ڤرۆ رۆژا پێنجشه‌مبی پشتی ئاماژه كری كو وان مزگینیه‌كا هه‌ی كو بۆ هزاران سالایه مرۆڤ خه‌ونا پێڤه دبینن.
ناسا راگه‌هاند كو وان هه‌ساره‌كا دی یا وه‌كی ئه‌ردی ل رێكا كادزا دیتییه كو چێدبیت شل ئاڤ لسه‌ر روویێ وێ هه‌بیت و ب “نێزیكترین جێمك بۆ ئه‌ردی و هه‌روه‌سا دۆتماما مه‌زنتر یا هه‌سارا ئه‌ردی” بناڤ كر.
ئه‌ڤ هه‌سارا كه‌ڤری 60 % مه‌زنتره ژ ئه‌ردی و هه‌ر 385 رۆژان لدوور ستێرا خوه یا دوور دزڤریت، 1.5 ملیار سالان ژ ئه‌ردی كه‌ڤنتره، ناهێته زانین كا سرۆشتێ وێ چه‌ند وه‌كی ئه‌ردی یه لێ وه‌كهه‌ڤترین هه‌ساره‌یه بۆ ئه‌ردی كو هه‌یا نها هاتبیته دیتن .
هه‌رچه‌نده به‌رییا نها ژی چه‌ند هه‌سارێن كو سه‌ر بشێوێ ئه‌ردی ڤه دچن هاتینه دیتن لێ تشتێ سه‌رنج راكێش ئه‌ڤ هه‌سارا نوو هاتیه دیتن ئێكه‌مین هه‌سارا وه‌كی ئه‌ردی یه كو د ده‌ڤه‌ره‌كێ دا بیت كو بكێر ئاكنجی بوونێ بهێت د ستێره‌كێ وه‌كی ستێرا مه یا ئه‌ردی دا.
زانایێن ئاژانسا ئاسمانییا ئه‌مریكی ناسا برێیا تێلێسكۆپا خوه ( Kepler 452B ) كو ژ سالا 2009 ێ بۆ ئاسمانى هاتیه ئاراسته‌كرن ئه‌ڤ ڤه‌دیتنه كریه و چه‌ند وێنێن وێ هه‌سارا شین كو ب عه‌وران ده‌ورداییه به‌لاڤكرینه.
