ناڤه‌ندا خانی یا ره‌وشه‌نبیری و راگه‌هاندنێ سه‌را مه‌زارگه‌هێ نه‌مران كر
ئه‌ڤرۆ:
ناڤه‌ندا خانی یا ره‌وشه‌نبیری و راگه‌هاندێ ل دهۆكێ ل رۆژا 27/10/2021 سه‌ره‌دانا مه‌زارگه‌هێ نه‌مران ل بارزان دا و ژ لایێ شێخ خه‌لات بارزانی ڤه پێشوازی لێ هاته كرن.
ئیحسان ئامێدی، به‌رپرسێ ناڤه‌ندا خانی یا ره‌وشه‌نبیری و راگه‌هاندێ ل دهۆكێ ل سه‌ر مه‌زارێ نه‌مران په‌یڤه‌ك پێشكێش كر و گۆت: “ئه‌م ئه‌ڤرۆ ل بارزانا سه‌ربلندین ل سه‌ر گوڕێن بابێ روحیێ ملله‌تێ كورد بارزانیێ نه‌مر و كاك ئدریسێ جانه‌مه‌رگ، گیانێ وان شاد و جهێ وان به‌حه‌شت بیت، ل ڤێره‌ینه، داكو جاره‌كا دی فاتحه‌كێ ل سه‌ر گیانێ وان بخوینین و دلسوزی و وه‌فاداریا خوه بۆ وان دیار كه‌ینه‌ڤه كو ئه‌م د به‌رده‌وامین و دێ دبه‌رده‌وام و پێگیربین ب رێبازا وانا پیرۆز هه‌تا د ژیانێ دا مابین”.
دیسا ئیحسان ئامێدی د به‌رده‌وامیا په‌یڤا خوه دا گۆت: “بارزان لاندكا شۆڕه‌ش و به‌رخودان و خه‌باتێ یه پێناڤی كوردستانه‌كا ئازاد و سه‌ربه‌خوه، بارزانیێ نه‌مر سه‌ركرده‌یێ نه‌ته‌وه‌یێ كوردستانێ، هێمایێ ئێگرتنا ملله‌تی و ناسناما گه‌لێ كوردستانێ، سه‌ركرده‌یێ خه‌بات و به‌رخودانێ، دامه‌زرێنه‌ری پارتی دیموكراتی كوردستان و رابه‌رێ شۆڕه‌ش و سه‌رهلدانێ یه، دیسا ئه‌م دگه‌شبینین رێبازا بارزانیێ نه‌مر، ریبازا سه‌ركه‌فتنێ و سه‌رفه‌رازیێ یه، ئه‌م شانازیێ دبه‌ین كو ل سه‌ر ڤێ ریبازێینه”.
