ناڤێ وی کریە شێخێ تیرۆرستان
ئەڤرۆ نیوز ، زنار تۆڤی:
بانگخوازێ مسری یوسف ئەلقه‌رزاوی ل رۆژا عه‌ره‌فێ دا، د تویته‌كێ دا به‌حسێ ستوونا پێنجێ یا ئیسلامێ كریە، تێدا نڤێسی یە، کو ئه‌ڤ حه‌جه ژبۆ خودێ نینه و خودایێ مه‌زن چو پێدڤی ب حەجێ نینه، ئه‌وێ تویتا ئەلقه‌رزاوی ژی ره‌نگڤه‌دانێن مه‌زن ل تۆرێن جڤاكی پەیداکربوون و خەلکێ گەلەک بەحسێ ڤی بابەتی کریە و ئەڤ بابەتە نوکە ژی گەلەک ب گەرمی دهێتە بەحسکرن.
د هەمان دەمدا رۆژنامەکا سعودی بانگخوازێ مسری یوسف ئه‌لقه‌رزاوی ب شێخێ تیرۆرستان ب ناڤ كریه و د وێ رۆرۆژنامێ دا دیارکریه، کو هه‌ر چه‌نده قه‌رزاوی د ژیێ 93 سالیێ دایه، لێ هێشتا ئه‌و ده‌ست ژ سیاسیكرنا دینێ ئیسلامێ به‌رناده‌ت.
هەروەسا رۆژناما عوكاز یا سعودی به‌رسڤا ره‌خنێن یوسف ئه‌لقه‌رزاوی بانگخوازێ مسری یێن رۆژا عه‌ره‌فێ دایه، کو ئەلقەرزاوی گرنگیا ستوونا 5 یا ئیسلامێ كو فه‌ریزه‌یا حه‌جێ یه كێم كریە و گۆتیە: خودایێ مه‌زن چو پێدڤی ب حه‌جێ نینه.
دیسا د ڤی واری دا ژی دیوانا شاهانه یا سعود ئه‌لقه‌حتانی ل عه‌ره‌بستانا سعودی ئه‌و فه‌توا قەرزاوی شه‌رمه‌زاركریە و یوسف قه‌رزاوی ژی ب شێخێ تیرۆرستان ب ناڤ كریه.
