سه‌رۆك بارزانى به‌ر ب ئه‌لمانيا چوو
بۆ پشكداريكرن د كۆنگرێ ميونج يێ ئه‌منى دا، مه‌سعود بارزانى، سه‌رۆكێ هه‌رێما كوردستانێ ب هه‌ڤالينيا شانده‌كى به‌ر ب وه‌لاتێ ئه‌لمانيا ب رێ كه‌فت.
ب گۆره‌يى نوويه‌كێ سه‌رۆكاتيا هه‌رێما كوردستانێ ئه‌ڤرۆ رۆژا پێنجشه‌مبى رێكه‌فتى 2015.2.5 مسعود بارزانى، سه‌رۆكێ هه‌رێما كوردستانێ ب هه‌ڤالينيا شانده‌كێ هه‌رێما كوردستانێ ب مه‌ره‌ما پشكداريكرنێ د كۆنفرانسێ ئاسايشا جيهانى دا ل باژێرێ ميونخ ب رێيا فرۆكخانا نێڤده‌وله‌تى يا هه‌ولێر به‌ر ب وه‌لاتێ ئه‌لمانيا ب رێ كه‌فت.
جهێ گۆتنێ يه كو سه‌رۆكێ هه‌رێما كوردستانێ ب فه‌رمى بۆ ڤى كۆنفرانسى هاتيه داخوازكرن كو دێ چه‌ند رۆژه‌كان ڤه‌كێشيت، هژماره‌كا زۆر يا سه‌رۆك وه‌لات و سه‌رۆك وه‌زيران و بسپۆرێن نێڤده‌وله‌تى پشكدار بووينه و بڕياره سه‌رۆك بارزانى د كۆنفرانسى دا، گۆتاره‌كێ پێشكێش بكه‌ت و هژماره‌كا ديدار و چاڤپێكه‌فتن و كۆمبوونان ل گه‌ل به‌رپرسێن وه‌لاتێن پشكدارى كۆنفرانسى بووى بكه‌ڤيت.
هه‌ر ب گۆره‌يى ئه‌و پێزانينێن ب ده‌ست ئه‌ڤرۆ نيوز كه‌فتين سه‌رۆكێ هه‌رێمێ دێ ل گه‌ل جۆ بايدن، جێگرێ سه‌رۆكێ ئه‌مريكا كۆم بيت.
