نه‌ته‌وێن ئێكگرتى: حوكمه‌ته‌كا ئێكگرتى يا دوور ژ مه‌زهه‌بيه‌تێ دخوازين
ئه‌ڤرۆ نيوز، فاتما مزوورى:
یان كۆبیش نوونه‌رێ تایبه‌تێ نه‌ته‌وێن ئێكگرتى ل عيراقێ داخواز ل ئالیێن عيراقێ كر، پشتی هه‌لبژارتنا جڤاتا نوونه‌ران حوكمه‌ته‌كا هه‌مه‌لايه‌نى يا دوور ژ مه‌زهه‌بى پێك بينن.
یان كوبیش ل دۆر دووماهی پێشهاتێن عيراقێ و هه‌لبژارتنا جڤاتا نوونه‌رین عيراقێ ئاشكه‌را كر كو پشكداريكرنا پتريا نیڤا ده‌نگده‌ران په‌یامه‌كا ب هێز بوو ژبو وان ئالیێن كو ل سالا 2013ێ عيراق ب رێڤه دبرن.
نوونه‌رێ تايبه‌تێن ئه‌مريكا ژبۆ عيراقێ ژى راگه‌هاند: د پێناڤا ئه‌نجامدانا چاكسازیێن سیاسی و ئابووری و جڤاكی ل عيراقێ، دڤێت حوكمه‌تا عيراقێ يا ئێك رێز بيت، هه‌روه‌سا راگه‌هاند كو پێدڤيه حوكمه‌ته‌كا دادپه‌روه‌ر و دیموكراسی و خودان به‌رپرسیاری و هه‌موولايه‌نى و دوور ژ مه‌زهه‌ب گه‌ریێ بيت كو گه‌نده‌لی تێدا نه‌بيت و كه‌سێن سیاسی نوونه‌را‌تیا وان بكه‌ن بهێته پێكئينان.
