نه‌جیبا نه‌جیب: هه‌تا نوكه وه‌زاره‌تا چارێ یا كوردان دیار نینه
ئه‌ڤرۆ نیوز، سالار دۆسكى:
ئه‌ندامه‌كا لیژنا دارایى ل په‌رله‌مانێ عیراقێ دیاركر كو هنارتنا بۆدجێ هه‌رێما كوردستانێ ب دیاركرنا داهاتێ په‌ترولا هه‌رێما كوردستانێ ڤه گرێدایه، ئه‌و دانوستاندنێن د ناڤبه‌را هه‌ولێر و به‌غدا دا د هێنه‌كرن و هه‌ر ده‌مێ گه‌هشتنه رێككه‌فتنێ ل سه‌ر دیاركرنا داهاتێ پترۆلا كوردستانێ بۆدجه دێ هێته هنارتن.
نه‌جیبا نه‌جیب ئه‌نداما لیژنا دارایى ل په‌رله‌مانێ عیراقێ بۆ ئه‌ڤرۆ نیۆز گۆت: ماوێ 3 هه‌یڤان كو سه‌ركرداتیا كوردستانێ بۆ حوكمه‌تا حه‌یده‌ر عه‌بادى دیاركریه، چاره‌سه‌ركرنا كێشان نه‌بتنێ بۆدجه و مووچه‌یه به‌لكو دڤێت هه‌موو كشێن گرێدایى ب هه‌ردو ئالیان ڤه بهێته ئێكلاكرن.
گۆتژى: سووندخوارنا وه‌زیرێن كوردان ل حه‌فتیا بهێت ده‌سپێكا دانوستاندنێن چڕتره د ناڤبه‌را هه‌ولێر وبه‌غدا دا، ئاشكراكر ژى كو چوونا وه‌زیرێن كورد بۆ به‌غدا به‌رامبه‌ر چ نینه، كورد رازیبووینه پشكداریێ دحوكمه‌تا حه‌یده‌ر عه‌بادى دا بكه‌ن، هه‌تا نوكه دیار نه‌بوویه كو وه‌زاره‌تا چارێ یا كوردان كیش وه‌زاره‌ته.