نه‌خوه‌شخانا هيڤى رۆهنكرنه‌كێ به‌لاڤ دكه‌ت
ئه‌ڤرۆنيوز:
نه‌خوه‌شخانا هيڤى يا زارۆيان درۆهنكرنه‌كێ دا دياركر كو ژ سوباهى شه‌مبيێ 1/9/2018 ووێڤه سيسته‌مه‌كێ نوو ل نه‌خوه‌شخانێ دێ هێته په‌يره‌كرن دپرسا چاره‌سه‌ركرنا زارۆكێن نه‌خوه‌ش دا.
كارگێريا نه‌خوه‌شخانا ناڤبرى به‌لاڤكر” ژ سوباهى 1/9/2018 ووێڤه، نوشدارێن مه دێ چاره‌سه‌ريا زارۆيێن نه‌خوه‌ش كه‌ن ل دووڤ سيسته‌مێ (ترياج) ئانكو زارۆيێ حاله‌تێ وى مه‌ترسيدارتر دێ ل به‌راهيێ هێته چاره‌سه‌ركرن وپشكنين كرن وحاله‌تێن سڤك وه‌كو كوخك وپه‌رسيڤ ودل رابوون وزكچوونێن سڤك دێ ددوڤدا هينه ديتن وچاره‌سه‌ركرن”.
دياركر ژى” ئه‌ڤه سيسته‌مه‌كێ نوشدارى يێ هه‌ره پێشكه‌فتى يه ومفايێن وى گه‌له‌كن ودبه‌رژه‌وه‌نديا خه‌لكێ دهۆكێ دايه.
