نه‌مسا: د هێرشه‌كا تیرۆرستى دا 2 كه‌س هاتن كوشتن
ئه‌ڤرۆ نیوز:
وه‌زاره‌تا ناڤخوه‌یا نه‌مسا راگه‌هاند، ژبه‌ر هێرشه‌كا تیرۆرستى ل په‌رستگه‌هه‌كا جوهیان ل باژارێ ڤییه‌نا یێ پایته‌ختێ نه‌مسا، دو كه‌س هاتنه كوشتن و چه‌ند كه‌س ژى بریندار بووینه.
ل گۆره‌ى نووچه‌یه‌كێ ئاژانسا رویته‌رز، هه‌ژماره‌كا كه‌سان هێرشه‌ك ل نه‌مسا كریه و كه‌سه‌ك ژ هێرشكه‌ران هاتیه كوشتن و پۆلیسه‌ك ب گرانى بریندار بوویه.
حكومه‌تا نه‌مسا ئه‌و هێرش ب تیرۆرستى ب ناڤ كر و ئارمانجا وێ هێرشێ په‌رستگه‌هه‌كا جوهیان بوو ل ڤییه‌نا و ئاشكرا كر، هێرشكه‌ران ل شه‌ش جهێن نه‌مسا چالاكى كرینه.
ژ ئالیێ خوه ڤه هه‌ژماره‌كا وه‌لاتێن ئه‌ورۆپا ئه‌و هێرش شه‌رمزار كر و داخواز ژ ئێكه‌تییا ئه‌ورۆپا كر رێكارێن پێدڤى بگریته به‌ر بۆ راگرتنا وان جۆره هێرشان.
