نوجێفی: ئەفسەرێن ئیرانی و حزب اللە یا لوبنانی مەشقێ ب حەشد شەعبی دکەن
ئەڤرۆ نيوز:
ئوسامە نوجێفی سەرۆکێ لیستا موتەحیدون کو مەزنترین لیستا سونەیانە د جڤاتا نوونەرێن عیراقێ دا راگەھاند، ئەفسەرێن ئیرانی و چەکدارێن حزب اللە یا لوبنانی مەش و ڕاھێنان ب چەکدارێن میلیشیێن حەشد شەعبی یێن شیعی دکەن.
ئوسامە نوجێفی بۆ ڕۆژناما (الشرق الاوسط) یا لەندەنی گۆت” پشکداریا میلیشیێن حەشد شەعبی یێن شیعی د شەڕێ ئازادکرنا مووسلێ دا، ھێلا سورە”.
نوجێفی ِرەخنە ل حەیدەر عەبادی ژی گرتن و گۆت” بڕیارا سیاسی ل عیراقێ ددەستێ حەیدەر عەبادی دا نینە، بەلکو یا ددەستێ ئیرانێ و ھەڤپەیمایا شیعی دا”.
گۆت ژی” عەبادی د بڕیاردانێ دا یێ سەربخوە نینە، بەلکو یێ دبن بڕیارا حزبی و دچارچۆڤێ ھەڤپەیمانیا شیعی کو وێ ئەو بۆ پۆستێ سەرۆک وەزیران بەربژار کربوو”.
