نورى مالكى داهاتێ 7 هه‌یڤێن بۆرى چو نه‌هێلایه
ئه‌ڤرۆ نیۆز:
بریكارێ وه‌زاره‌تا دارایى یا عیراقێ محه‌مه‌د شیاع پێشبینى دكر، حوكمه‌تا عیراقێ یا نوو به‌رى بهێته پێكئینان هه‌موو پێزانین و پێدڤیێن دارایى یێن په‌یوه‌ندى ب بودجا سالا 2014 ڤه ژ ئالیێ حوكمه‌تا نورى مالكى ڤه بهێته پاكرن و به‌رى هاتنا جه‌ژنا قوربانێ راده‌ستى جڤاتا وه‌زیران بكه‌ن، نه‌خاسمه كو هه‌موو ئالیان دڤێت قه‌یرانا موجه‌یێن فه‌رمانبه‌رێن هه‌رێما كوردستانێ ب دووماهى بهێت، هه‌ر چه‌نده دانا وان موچان یا گرێدایه ب داهاتێ عیراقێ ڤه ل به‌نكێن عیراقى وى پاره‌یێ لبه‌رده‌ست هه‌ى.
نهێنیا ڤێ هاوكێشێ یا ڤه‌شارتى لژنا دارایى یا جڤاتا نوونه‌ران ئاشكراكر، حوكمه‌تا نورى مالكى ب ژمارا داهاتى و مه‌زاختیێن هه‌ر حه‌فت هه‌یڤێن بورى ژ داهاتى په‌ترۆلێ هه‌موو مه‌زاختیه و بیێ چو داهاته‌كى بده‌ته پارێزگه‌ها به‌سرا ژ مافێ په‌ترۆ دولارى كو مافێ هه‌ر پرێزگه‌هكێ یه یان ژى بودجا هه‌رێما كوردستانێ زێده‌بارى مافێ وان پارێزگه‌هێن كه‌فتینه دده‌ستێن داعشێ، ئانكو زێده‌یه‌كا مه‌زن د مه‌زاختیان دا چێبویه و به‌هریا پارێزگه‌هان نه هاتیه ره‌وانه‌كرن.
