نوشدارێن دهۆكێ دخوازن پێداچون د سیستەمێ موچەى دا بهێتە کرن
ئه‌ڤرۆ نیوز :
پشتى ئه‌ڤرۆ ل رێكه‌فتى 25-3-2018 نوشدارێن سه‌رجه‌م نه‌خوشخانان خوپیشاندان ده‌ستپێكرى و نیشانداى , ئه‌ڤرۆ ل ده‌مژمێر (11) سپێدێ ل گوره‌پانا نه‌خوشخانا گشتى یا ئازادى ل دهوكێ ، هژمارەکا نوشدارێن دهوكێ خوپیشاندانه‌كا ئاشتیانه نیشاندا و داخازا مافێن خو كر.
د. ئه‌حمه‌د موختار به‌رپرسێ سه‌ندیكا نوشدارێن دهوكێ بو نوش نیوز دا دیاركرن: قه‌یرانا داراى كارتێكرن ل سه‌ر هه‌مو فه‌رمانبه‌ران كریه لێ كارتێكرنه‌كا مه‌زن ل سه‌ر كه‌رتێ ته‌ندروستى بویه و ژین و ژیارا نوشداران بزه‌حمه‌ت كه‌فتیه چونكه ل شه‌ڤ و رۆژ نوشدار خزمه‌تا خه‌لكى دا هه‌نه و خزمه‌تا خه‌لكى دكه‌ن له‌ورا ئه‌م داخازا مافێن خو دكه‌ین.
د. ئه‌حمه‌د موختار به‌رپرسێ سه‌ندیكا نوژدارێن دهوكێ بو نوش نیوز گوت ژى: ئه‌م ژ حكومه‌تا هه‌رێما كوردستانێ دخوازین پێداچونه‌كێ د سیسته‌مێ موچێن كه‌رتێ ته‌ندروستى دا بكه‌ت و ئه‌م وه‌ك نوشدارێن دهوكێ به‌رۆڤاژى ده‌ڤه‌رێن دیتر دێ ل سه‌ر ده‌واما خو به‌رده‌وام بین و ناهێلین چ ڤالاهى د نه‌خوشخانان دا دروست بیت و د هه‌مان ده‌م دا داخازا مافێن خو یێن ره‌وا ژى دكه‌ین.
