نوكه چه‌ند ژ سه‌دێ خه‌لكێ هه‌رێمێ د بن هێلا هه‌ژاريێ دا دژين؟
ئه‌ڤرۆ نيوز:
رێڤەبەرێ گشتیێ ئامارا پارێزگەھا سلێمانیێ ئیماژە بڤێ چەندێ دکەت، کو رێژەیا بێکاریێ لھەرێما کوردستانێ دو بەرامبەر زێدەکریە و ب ھزاران وەلاتی بێکارن و داھاتێ وەلاتیان بەراورد دگەل بەری قەیرانێ کێمکریە، ھەروەسا دیارکر، رێژەیا ھەژاریێ نوکە لھەرێما کوردستانێ د ئاستەکێ مەرسیداردایە و دوازدە ژ سەدێ یا وەلاتیێن ھەرێمێ لبن ھێلا ھەژاریێ دا دژین، سالانە دەە ھزار دەرچوویێن زانکۆ پەیمانگەھان ھەنە و ناھێنە دامەزراندن.
مەحمود عوسمان، سەرۆکێ دەستەیا ئامارێ لپارێزگەھا سلێمانیێ بۆ رۆژناما ئەڤرۆ گۆت” ل دوماھیا سالا بۆری و دەستپێکا ئەڤسالە مە ئامارەک بۆ رێژا کاری و بێکاریێ لسەر ئاستێ ھەرێما کوردستانێ ئەنجامدا و دەرکەفت لسەرانسەری ھەرێما کوردستانێ، رێژەیا بێکاریێ لھەرێمێ 13% یە و بەراورد دگەل سالا 2013ێ دوبەرامبەر زێدەکربوو، چونکە سالا 2013ێ رێژەیا بێکاریێ لھەرێما کوردستانێ تنێ 6% بو، رێژەیا ھەژاریێ لسالا 2013ێ تنێ 3%ێ یا خەلکێ کوردستانێ ھەژاربوون، دگەل بانکا نێڤدەولەتی وەزیرێ پلاندانانژی بەرھەڤبو تێدا پیڤانەک ھاتە ئەنجامدا لسەر ئاستێ عێراقێ و ھەرێما کوردستانێ ژی جودا گورەی ئەڤێ پیڤانێ ژی رێژەیا ھەژاریێ نوکە لھەرێما کوردستانێ 12%ێ واتە بن ھێلا ھەژاریێ نە، بۆ ئەڤسالە چو ئامار نەکرینە، بەلێ مە پلان ھەیە دوماھیا ئەڤسالە ئامارەکادیا بێکاریێ بھێتە رێڤەبرن، ھەتا بزانین بەراورد دگەل سالا بۆری چاوایە رێژەیا بێکاریێ لکوردستانێ، بەلێ نوکە بۆ ڤان ھەیڤێن بۆری مە چو ئامارنینە، وەک پێشبینیش بێکاری لھەرێما کوردستانێ زێدەبویە و نوزانین رێژە چەندە یا زێدەبوونێ.
سەرۆکێ ئامارا پارێزگەھا سلێمانیێ دیارکر” بێکاریێ گورەی ئەڤێ قەیرانا دارایی زۆر زێدەنەکریە، ژبەرکو ئەم یێ د قەیرانەکا کۆرا دارایی دا، ئەوژی ئەگەرێ ڤێ بۆڤێ چەندێ ڤەدگەڕیت پتریا خەلکێ کار دکەت سەر ب حوکمەتێ ڤەنە و فەرمانبەرن، لھەرێما کوردستانێ 48%ێ یا خەلکێ کاردکەت ل کەرتێ گشتینە و فەرمانبەرن، حوکمەتێ ژی چو فەرمانبەر دەرنەکرینە ب ئەگەرێ قەیرانێ تنێ مووچێ وان ھاتیە کێمکرن، داھاتێ وەلاتیان کێمکریە، بۆ نموونە جۆتیار ھەموو کار دکەن و ئێک جۆتیاری دەست ژکارێ خوە بەرنەدایە، بەلێ داھات نینە ھەڕە ناڤا بازاڕێ دھۆکێ ھەموو دووکان ڤەکرینە و کەسێ دووکانا خوە نەگرتیە بازاڕ وەک بەرێ یە، بەلێ داھاتێ رۆژانە دەست ئەڤان دووکاندا دکەڤت کێمکریە و وەکی بەرێ نەمایە.
مەحموود عوسمانی گۆتژی” ئەڤا ل بێکاریێ زێدەکری ئەف وەلاتینە یێن دوماھیێ ب خواندنێ دئینن لسەرانسەری ھەرێما کوردستانێ لایەنێ کێم سالێ 10 ھزار کەس ل زانکۆ و پەیمانگەھان دوماھی دئینن و بێکارن، چونکە دامەزراندن نەمایە ل کەرتێ گشتی، ھەتا کۆمپانیا و کەرتێ تایبەت وەک بەرێ خەلکی وەرناگرن و پتریا گەنجێن مە بێکارن و کار بدەست ناکەڤیت، پڕۆژەیێن وەبەرھێنانی ھاتینە راگرتن پڕۆژەیێن ئاڤاھیان زۆر کێم دھێنە ئاڤاکرن، ئەڤانە ھەموویان کاریگەری لسەر رێژەیا بێکاریێ پەیداکریە و خەلک یێ بێکارە، ئەگەر بھێت و حوکمەت دەست ب پڕۆسا دامەزراندنێ بکەت ئەڤە دێ زۆر کێمبیت رێژا بێکاریێ، بەلێ مادەم دامەزراندن نینە دێ وەلاتی چو کارکەن کار یێ بدەست ناکەڤیت، بشێوەیەکێ گشتی داھات یێ کێمبوویە نەک کار یێ کێمبیت.
