هێشتا ئاماده‌كارى بۆ دانا مووچێ هه‌يڤا تيرمه‌هێ نه‌هاتينه‌ كرن

ئه‌ڤرۆ نيوز:

دهێته‌ چاڤه‌رێكرن د ڤێ حه‌فتيێ دا مووچێ هه‌يڤا تيرمه‌هێ يێ وه‌زاره‌تا پێشمه‌رگه‌ى بهێته‌ به‌لاڤكرن و بۆ فه‌رمانبه‌رێن دى ژى چو تشتێ نوو نه‌هاتيه‌ كرن.

ب گۆره‌ى ئه‌و پێزانينێن باسنيوز ژ ژێه‌ره‌كێ ناڤ وه‌زاره‌تا دارايى و ئابوورى يێ حوكمه‌تا هه‌رێما كوردستانێ به‌لاڤكرين،  د حه‌فتيا بۆرى دا كارێ هووربينيێ د ليستا مووچێن وه‌زاره‌تا پێشمه‌رگه‌ى دا ب دووماهى هاتيه‌، “يێ پشتراستم د ڤێ حه‌فتيێ دا ژ لايێ بريكارێ وه‌زاره‌تا دارايى ب وه‌كاله‌ت، ليسته‌ ئيمزا كريه‌ و هه‌ر د ڤێ حه‌فتيێ دا دێ مووچێ هه‌يڤا حه‌فت يێ وه‌زاره‌تا پێشمه‌رگه‌ى هێته‌ به‌لاڤكرن”.

بێى كو ئاماژه‌ ب ناڤى وى بهێته‌كرن به‌حس ل مووچێ داموده‌زگه‌هێن دى يێن حوكمه‌تێ كريه‌ و دبێژيت: “هه‌تا نوكه‌ چو بڕيار و ده‌نگۆ بۆ به‌لاڤكرنا مووچێ هه‌يڤا تيرمه‌هێ يێ وه‌زاره‌ت و ده‌زگه‌هێن حوكمه‌تێ نينه‌”، دا زانين كو هێشتا ئاماده‌كارى ژى بۆ نه‌هاتينه‌ كرن.