نووترين پێزانين ل سه‌ر به‌لاڤكرنا مووچێ هه‌يڤا ئيلۆنێ
ئه‌ڤرۆ نيوز:
چه‌ندين رۆژ ب سه‌ر به‌لاڤكرنا مووچێ هه‌يڤا ئيلۆنێ يێ وه‌زاره‌تا پێشمه‌رگه‌ى دا ده‌رباز بوون و هێشتا چو وه‌زاره‌تێن دى مووچه وه‌رنه‌گرتيه و مه‌دينا ئه‌يوب يا ئه‌رله‌مانتار ژى دبێژيت: “100% حه‌فتيا بهێت مامۆستا دێ مووچه‌ى وه‌رگرن”.
ب گۆره‌ى راگه‌هاندنه‌كا وه‌زاره‌تا دارايى ل رۆژا دوشه‌مبى و سێشه‌مبى هه‌ر ئێك ژ هێزا پێشمه‌رگێ زێره‌ڤانى و هێزا ئاماده مووچێ هه‌يڤا ئيلۆنێ وه‌رگرت و پێشتر ل سالا بۆرى ژى وه‌زاره‌تا پێشمه‌رگه‌ى ئه‌ڤ مووچه وه‌رگرتبوو.
ژێده‌ره‌كى ژ وه‌زاره‌تا دارايى و ئابوورى ل حوكمه‌تا هه‌رێما كوردستانێ د داخۆيانيه‌كێ دا بۆ تۆڕا ده‌نگوباسێن سلێمانيێ راگه‌هاند كو نوكه چ پاره ل سه‌ر حسابا وه‌زاره‌تا دارايى نينه هه‌تا بشێت ل ڤێ حه‌فتيێ مووچێ چ وه‌زاره‌تان بده‌ت.
ئه‌ڤى ژێده‌رى ئاماژه ب وێ چه‌ندێ ژى كريه كو ئه‌و پێشبينى دكه‌ت ل حه‌فتيا بهێت و ل رۆژا ئێكشه‌مبى مووچێ وه‌زاره‌ته‌كا دى بهێته به‌لاڤكرن و دبێژيت: “نوكه چ پاره ل سه‌ر حسابا بانكى يا وه‌زاره‌تا دارايى نينه و نه‌شێت مووچێ چ وه‌زاره‌تان بده‌ت”.
پێشتر مه‌دينا ئه‌يۆب، په‌رله‌مانتارا كوردستانێ ژ فراكسيۆنا پارتى ديموكراتى كوردستان راگه‌هاند بوو كو 100%ێ دێ ل حه‌فتيا بهێت وه‌زاره‌تا دارايى مووچێ مامۆستايان هێته به‌لاڤكرن.
هه‌ر چه‌نده چه‌ندين جارا وه‌زيرێ سامانێن سرۆشتى و ئاخفتنكه‌رێ ب ناڤێ حوكمه‌تا هه‌رێما كوردستانێ راگه‌هانديه كو دێ مووچێ ئێدى هه‌موو هه‌يڤان هێته به‌لاڤكرن، به‌لێ زێده‌ترى 50 رۆژايه مامۆستايان مووچه وه‌رنه‌گرتين.
