نووترين پێزانين ل سه‌ر زيندانكرنا مه‌لا عه‌لى كه‌له‌ك

ئه‌ڤرۆ نيوز:

پشتى چه‌ند رۆژان ژ ده‌سته‌سه‌ركرنێ و مانێ ل زيندانێ ئه‌ڤرۆ مه‌لا عه‌لى كه‌له‌ك دێ ب كه‌فاله‌ت هێته‌ ئازادكرن.

مه‌لا عه‌لى كه‌له‌ك ژ لايێ پۆليسان ل شه‌ڤا 2ى گۆلانا 2017ێ ل سه‌ر سكالايه‌كێ هاتبوو ده‌سته‌سه‌ركرن و ئه‌ڤرۆ 11ى گۆلانێ دێ ب كه‌فاله‌ت هێته‌ ئازادكرن.

به‌رى نوكه‌ مه‌لا عه‌لى كه‌له‌ك وه‌كو بزاڤه‌ك بۆ هاتنه‌ خوارا سه‌نگى، داخواز كربوو كو يێ بڤێت كێشا خوه‌ ژ ده‌ست بده‌ت، بلا كلينسا بخوه‌ت، ئه‌ڤه‌ ژى ببوو ئه‌گه‌ر كو ژيانا ژنه‌كێ بكه‌ڤيته‌ به‌ر مه‌ترسيێ پشتى زێده‌ترى هزار كلينسان خوارى و نوشداران ب زۆرى نشته‌رگه‌ريه‌ك بۆ كرى و ژ مرنێ رزگاركرى.

پشتى مه‌لا عه‌لى كه‌له‌ك كلينيكه‌كا نوشدارى ب ناڤێ “نوشداريا نه‌به‌وى” ڤه‌كرى گه‌له‌ك ژ وه‌لاتيان قه‌ستا وى كريه‌ و گه‌له‌ك ڤيديۆ ژى ل تۆڕێن جڤاكى به‌لاڤكرينه‌ و ب گۆره‌ى وان نه‌خۆش چاره‌ كرينه‌، د به‌رامبه‌ر ژى دا وه‌زاره‌تا ساخله‌ميێ چه‌ندين جاران سكالا ل سه‌ر تۆماركرينه‌.

کۆمێنتا تە