نووترين پێزانين ل سه‌ر پۆستێ سه‌رۆكێ هه‌رێمێ پشتى سه‌رۆك بارزانى
ئه‌ڤرۆ نيوز:
بڕیارە ئەڤرۆ رۆژا ئێک شەمبی پەرلەمانێ کوردستانێ کۆمبیت و سەرۆکێ فڕاکسیۆنا ئێکەتیێ ژی دبێژیت، د کۆمبوونێ دا دێ دەستھەڵاتێن سەرۆکێ ھەرێما کوردستانێ ھێنە بەلافکرن، پەرلەمانتارەکێ فڕاکسیۆنا پارتی دیموکراتی کوردستان ژی ئاماژە بوێ چەندێ دکەت، پێشبینی دھێتەکرن پۆستێ سەرۆکێ ھەرێما کوردستانێ نەمینیت، ھەتا ھەلبژارتنێن داھاتی دھێنە ئەنجامدان.
شوان شێخ ئەحمەد، پەرلەمانتارێ فڕاکسیۆنا پارتی دیموکراتی کوردستان لپەرلەمانێ کوردستانێ بۆ رۆژناما ئەڤرۆ گۆت: پەرلەمانێ کوردستانێ د کۆمبوونا بۆری دا ب پڕانیا دەنگا تەمەنێ خوە بۆ دو خۆلێن درێژکر و نوکە ژبەر ئەنجامنەدانا پڕۆسا ھەلبژارتنان ھەتا ڤالاھیا قانوونی چێنەبیت پەرلەمان نەچاربو تەمەنێ خوە درێژبکەت ھەتا دو خۆلێن دی واتە بۆ ھەشت ھەیڤا، بەلێ ئەڤە رامانێ ئەڤەنینە پەرلەمانی دەستھەلاتنابن ، بەلکۆ دێ کارێ خوە بەردەوامبیت بۆ ھەشت ھەیڤا و ھەموو دەستھەلاتێن چاڤدێریکرن و دەرکرنا بڕیارا و قانوونان ھەیە، تنێ پرسا پۆستێ سەرۆکێ ھەرێما کوردستانێ مایە، چونکە ھەلبژارتن ناھێنە کرن دڤێت پرسا پۆستێ سەرۆکێ ھەرێما کوردستانێ بھێتە ئێکلاکرن ژلایێ پەرلەمانی، بدیتنامە دێ پۆستێ سەرۆکێ ھەرێمێ ب ڤالا مینیت ھەتا ھەلبژارتنێن داھاتی کەسەک بۆ پۆستێ سەرۆکێ ھەرێما کوردستانێ دھێتە ھەلبژارتن و بەردەوامیێ بدەتە کارێ خوە.
دلێر ماوەتی، سەرۆکێ فڕاکسیۆنا ئێکەتی نیشتیمانی کوردستان لدۆر کۆمبوونا ئەڤرۆیا پەرلەمانێ کوردستانێ دداخویانیەکێ دا دیارکر” د کۆمبوونا ئەڤرۆدا دێ موفاجەئە ھەبن، چونکە ئەگەر کۆمبوون لدۆر ھەمان کارناما بەرێ بیت کو پارتی دیموکراتی کوردستان و ئێکەتی نیشتیمانی کوردستان ئێکگرتوویا ئیسلامی لسەر رێکەفتینە دێ تشتێن گرنگ تێدا ھەبن، ئەڤژی بەلافکرنا دەستھەلاتێن سەرۆکێ ھەرێما کوردستانێ یە لسەر دەزگەھێن ھەرێما کوردستانێ کو ئەم لسەر رێکەفتینە و بکەڤیتە کارناما کۆمبوونا پەرلەمانی دا.
شوان شێخ ئەحمەد دیارکر” راستە دڤێت دەستھەلاتێن سەرۆکێ ھەرێما کوردستانێ بھێنە بەلافکرن لسەر ھەرسێ دەزگەھێن ھەرێما کوردستانێ ئەوژی پەرلەمان و حکوومەت و دادوەریە، ھەتا وی دەمێ سەرۆک دھێتە ھەلبژارتن بۆ پۆستێ سەرۆکێ ھەرێما کوردستانێ دێ ئەف دەستھەلات ژلایێ ھەرسێ دەزگەھێن من ئیماژە بۆکری ھێنە رێڤەبرن، ھەر ئێک ژوان گورەی تایبەتمەندیا خوە دێ دەستھەلات بەرکەڤن، بەلێ ھویردەکاری دێ مینن بۆ کۆمبوونا پەرلەمانێ کوردستانێ کو دێ بڕیار لسەر چ ھێتەدان.
