نووترين پێزانين ل سه‌ر چوونا پێشمه‌رگه‌يى بۆ ناڤ شنگال
ئه‌ڤرۆ نيوز:
ژێده‌ره‌كى ژ ناڤا پێشمه‌رگێ كوردستانێ راگه‌هاند كو پێشمه‌رگه‌يى ب سه‌رپه‌رشتيا مه‌حما خه‌ليل په‌رله‌مانتارێ به‌رێ يێ جڤاتا نوونه‌رێن عيراقێ كو وه‌كو خۆبه‌خش چار هه‌يڤه ل چيايێ شنگالێ به‌ر ب سه‌نته‌رێ قه‌زايێ ب رێ كه‌فتينه و هه‌تا نوكه سێ تاخێن شنگال ئازاد كرينه.
ئاشتى كوچه‌ر ئێك ژ فه‌رماندێن هێزێن پێشمه‌رگێ كوردستانێ ل چيايێ شنگال بۆ رووداو گۆت: “پێشمه‌رگه‌يێ چوويه ناڤ قه‌زا شنگال و نوكه هه‌ر ئێك ژ تاخێن گرێ تانكا، گرێ بۆجێ، سه‌يده زه‌ينه‌ب، گرێ معاويه و سێ گه‌ره‌كێن شنگال خستينه ژێر ده‌ستێ خوه”.
ئاشتى كۆچه‌ر دا زانين كو ئه‌ڤ شه‌ره ژ لايێ هێزێن پێشمه‌رگێ زێره‌ڤانى و فه‌رماندا دهۆكێ و هێزا كۆماندويى پشكداريێ د گرتنا شنگال دا دكه‌ن.
ب گۆره‌يى زانياريان مه‌حما خه‌ليل په‌رله‌مانتارێ به‌رێ يێ جڤاتا نوونه‌رێن عيراقێ كو وه‌كو خۆبه‌خش چار هه‌يڤه ل چيايێ شنگالێ بوويه سه‌رپه‌رشتيا وێ هێزێ دكه‌ت ئه‌وا چوويه ناڤ شنگال.
