نووترين ژمارا كوشتيێن خوه‌نيشاندانێن عيراقێ هاته راگه‌هاندن
ئه‌ڤرۆ نيوز:
كۆمسيۆنا مافێن مرۆڤى ل عيراقێ راگه‌هاند كو ژمارا كوشتيێن خوه‌نيشاندانێن عيراقێ گه‌هشته 73 كه‌سان و زێده‌تر ژ سێ هزار كه‌سان ژى بريندار بووينه.
كۆمسيۆنا مافێن مرۆڤى ل عيراقێ ئه‌ڤرۆ رۆژا شه‌مبى راگه‌هاند كو د ماوێ چار رۆژێن بۆرى دا ژمارا خوه‌نيشانده‌ران گه‌هشته 73 كه‌سان و ل ئێك ژ نه‌خۆشخانێن به‌غدا 18 لاشێن كوشتيان تێدانه.
كۆمسيۆنێ روون ژى كريه كو د پێكدادانێن د ناڤبه‌را خوه‌نيشانده‌ر و هێزێن ئاسايشا عيراقى ل به‌غدا، زێده‌تر ژ سێ هزار كه‌سان بريندار بووينه.