نووترین پێزانین ل دۆر دەست ب کاربوونا رێڤەبەرێن ئێکگرتوو
ئەڤرۆ نیوز:
ئەندامەکێ فراکسیۆنا یەکگرتوو ئیسلامی کوردستان ل جڤاتا پارێزگەھا دھۆکێ ئاشکرا کر کو ناڤێن رێڤەبەرێن نوو یێن سەر ب یەکگرتوویێ ڤە ژ پارێزگەھێ گەھشتینە ئەنجوومەنی و ب تنێ مایە رۆژا دانا باوەریێ ب وان بھێتە دیارکرن.
عەبدولسەمەد تێلی، ئەندامێ ئەنجوومەنێ پارێزگەھا دھۆکێ ل سەر فراکسیۆنا یەکگرتوو، کو دێ پۆستێ سکرتێرێ ئەنجوومەنی وەرگریت بۆ ئەڤرۆ ئاشکرا کر کو ھەتا نوکە رێکنەفتینە کا رۆژا دانا باوەریێ ل ئەنجوومەنێ پارێزگەھێ بۆ وان رێڤەبەرێن بەر یەکگرتوو کەفتین، رۆژا جارشەمبی یان دوشەمبا بھێت بیت.
ناڤھاتی خویا کر، ئەنجوومەنێ پارێزگەھێ دێ وان ناڤان پەسەند کەت و بۆ وەزارەتا ناڤخوە و سەرۆکاتیا جڤاتا وەزیران دێ ھێنە بلندکرن و گۆت: “شەش پۆستن کو ژ جێگرێ پارێزگەری و دو رێڤەبەرێن گشتی و سێ رێڤەبەرێن ناحیان پێک دھێن، پوستێن دی ناھێنە ئەنجوومەنی و مە چ پەیوەندی پێڤە نینە”.
