نووترین پێزانین ل سەر دروستکرنا ھێزا پێشمەرگەی یا ژنان
ئەڤرۆ نیوز، ھەیفا دۆسکی:
بەربرسا سەنتەرێ پێشمەرگە یێ رەوشەنبیری بۆ ئەڤرۆ نیوز دیارکر کو خەلک گەلەک باس دکەن بۆچی خولا لەشکری بۆ ژنان ھاتە ڤەکرن و پشتی دەرچوونێ ھەمی ل مالێن خوە د روونشتینە و گازندە ژی دھێنە کرن بۆچی خولا دویێ ناھێتە ڤەکرن.
موقەدم ڤیان یوسڤ بەربرسا سەنتەرێ پێشمەرگە یێ رەوشەنبیری گۆت: “ژ بەر فەرماندا دھۆکێ بوویە ژۆرا کاری بۆ پێشمەرگەی و سەر ھندێ را ھەمی لەشکر و جھێن پەیوەندیدار ب شەرێ دژی داعش ڤە د مژوولن”.
زێدەتر گۆت: “بابەت مە گەھاندیە وەزارەتا پێشمەرگەی و ل وێری ھاتیە راگرتن ژ بەر رەوشا نھا”.
دا زانین ژی کو ئەو دێ د بەردەوام بن و ناڤێن خولا دویێ یا لەشکری بۆ ژنان ھاتینە نڤیسین و دروستکرن ژ بەر ھندێ ژی بەرھەڤیێن باش بۆ ھێزەکا لەشکری یا ئافرەتان ژی ھاتینە کرن لێ بڕیار ھاتیە راگرتن ھەتا کو رەوش یا گۆنجایی بیت چونکی ھەکە ھێز ھاتە دروستکر ئەو دێ د بەردەوام بن و نە ب تنێ بۆ دەمی یە، بەلکو دآ یا ئەکتیف بیت د کار و ئەرکێن لەشکری دا”.
موقەدم ڤیان پێندرۆی گۆتژی: “من باوەرە دێ ھێزەکا باش بیت و ئەکتیف بیت و دێ شێن ھێزەکا تژی رەوشەنبیری و ژنێن خودان شیان تێدا ھێنە وەرگرتن و ئەم دەستا ژێ بەرنادەین”.
