نووترین پێزانین ل سەر رەوشا نووژەنکرنا پرا دەلال
ئەڤرۆ نیوز:
رێڤەبەرێ شوونواران ل زاخۆ دیار کر ب رێژا 75% نووژەنکرنا پرا دەلال ھاتیە ئەنجامدان و کار تێدا نەھاتیە راوەستاندن، لێ ژبەر رەوشا سەقایی و پێشینەیا دووماھیێ ژ حوکمەتێ وەرگرن پرا دەلال دێ ب دووماھیک ھێت.
ئەحمەد محەمەد، رێڤەبەرێ شوونواران ل زاخۆ بۆ رۆژناما ئەڤرۆ دیار کر کو بەرێن نووژەنکرنا پرا دەلال ژ جۆرێ دویلۆمایتیک لیمستۆن بوون، ئەو جۆر ل گۆندێ دێرەشێ ل بەرگارەی ھاتینە دیتن کو ب مادێ ژ جۆرێ کسل یێ سەبێ دھێتە نووژەنکرن و گۆت “شوونوارێن زاخۆ شیانێن بەرھنگاربوونا ب سەدان سالان ھەیە”.
رێڤەبەرێ شوونواران ل زاخۆ ئاشکرا ژی کر کو دو لیژنە سەرپەرشتی و چاڤدێریا بجھئینانێ دکەن، یا ئێکێ لیژنەکا زانستی یە و یا دن یا بجھئینەرە و گۆت “ئێکسەر ژ لایێ رێڤەبەریا شوونوارێن دھۆکێ و ب سەرپەرشتیا ھەولێرێ و رێڤەبەریا شوونوارێن زاخۆ چاڤدێریا نووژەنکرنا پرا دەلال دھێتە کرن”.
محەمەد ئەحمەد رێڤەبەرێ شوونواران ل زاخۆ دیار کر کو ل دووڤ پێشبینیان ھونەرێ ئاڤاکرنا پرێ بۆ سەردەمێ رۆمانیان ڤەدگەریت و گۆت “پرۆژەیەک ھەیە بۆ ڤەکۆلینکرنێ ل دۆر مێژوویا دروستکرنێ ژلایێ زانکۆیەکا ئیتالیا ڤە ب ناڤێ ساپیزا”.
ھەژی گۆتنێ یە درێژاھیا پرا دەلال 114 مەترن، بلنداھی 15 مەترن ل ھندەک جھان دگەھیتە 18 مەتران، ل سالا 2010 بۆ نۆیژەنکرنا پرا دەلال کۆژمێ 572 ملیۆن دینار ھاتبوونە تەرخانکرن، ل سالا 2013 و 2014 ل قووناغا ئێکێ ب رێژا 35% کار تێدا ھاتبووکرن، ل 10/6/2014 پرۆژە راوەستابوو، ب ئەگەرێ نەبوونا پارەی د بانکێ دا، پشتی ھینگێ ب ماوەیەکی جاردن دەست ب کارێ نووژەنکرنا وێ ھاتیە کرن.
