نوونه‌ره‌ك: مه زانیاری لدۆر هاتنا سوپایێ توركیا نینه
ئه‌ڤرۆ نیۆز، قائید میرۆ
نوونه‌ره‌كێ توركمان ئاشكراكر، ئه‌گه‌ر توركیا دچوارچوڤێ هه‌ڤپه‌یمانیا دژی داعش و ب رێكه‌فتن دگه‌ل هه‌رێما كوردستانێ پشكداریێ د ئازادكرنا مووسل دا بكه‌ت تشته‌كێ ئاسایه.
ماجد عوسمان، په‌رله‌مانتارێ توركمان ل په‌رله‌مانێ هه‌رێما كورستانێ ب ئه‌ڤرۆ نیۆز راگه‌هاند” مه چو زانیاری لدۆر هاتنا سوپایێ توركیا بۆ ئازادكرنا باژێڕێ مووسل نینه، به‌لێ ئه‌گه‌ر ب فه‌رمانا سه‌رۆك بارزانی و دچوارچوڤێ هه‌ڤپه‌یمانیا نێڤده‌وله‌تی توركیا پشكداری ئازادكرنا مووسل بكه‌ت تشته‌كێ ئاساییه.”
عوسمان گۆت ژی” حوكمه‌تا عێراقێ نه‌شێت چو هه‌لوه‌ست لدۆر مووسل هه‌بن، ژبه‌ركو دده‌مێ كه‌فتنا مووسل مه حوكه‌تا عێراقێ دیتیه شیانێن وێ چه‌ندن، ب دیتنا من هه‌ر هێزه‌ك پشكدارییا گرتنا مووسل بكه‌ت، ئه‌ڤه كاره‌كێ نوڕماله، به‌لێ رێكه‌فتن هه‌بیت دگه‌ل لایه‌نێن هه‌رێما كوردستانێ.