نوونه‌ره‌نك: هێشتا فراكسيۆنا پارتى چو هه‌لويست ل به‌رامبه‌ر گازيكرنا سه‌رۆك وه‌زيران بۆ جڤاتا نوونه‌ران نينه
ئەڤرۆ نیوز، قائید میرۆ:
رێبوار ھادی، نوونه‌رێ فڕاکسیۆنا پارتی ل جڤاتا نوونه‌رێن عيراقێ بۆ ئەڤرۆ نیوز دیارکر بڕیارە پشتی وەرزێ بھێنڤەدانێ رۆژا ٥ی ئادارێ جڤاتا نوونه‌رێن عيراقێ دەست ب کۆمبوونێن خوە یێن ئاسایی بکەت، بەلێ ھەگەر چو گۆھۆڕین نەکەڤنە رێ دا.
ل دۆر گازیکرنا سەرۆک وەزیرێن عيراقێ بۆ جڤاتا نوونه‌رێن رێبوار ھادی گۆت: “راستە ل دەزگەھێن راگەھاندنێ زانیاری ل دۆر دەرکرنا بڕیارەکێ و گازیکرنا سەرۆک وەزیرێن عيراقێ عادل عەبدولمەھدی دھێنە بەلاڤکرن بۆ ڤێ چەندێ ھێزێن بیانی ل عيراقێ بھێنە دەرکرن، بەلێ تشتێ فەرمی نینە بۆ گازیکرنا سەرۆک وەزیران بۆ ناڤا جڤاتا نوونه‌ران”.
ژ ئەگەرێ دەرکرنا بڕیارا ھێزێن ئەمریکا و بیانی ل عيراقێ ھادی دبێژیت: “مە وەک فڕاکسیۆنا پارتی چو ھەلويست نینە جارێ، بەلێ ھەر دەمێ بڕیارەکا وەسا ھاتە پەرلەمانی ب فەرمی ئەڤە بێگومان دێ مە ھەلویستێ خوە ھەبیت”.
