نوونەرێ بارزانی و شاندێ پارتی دێ پشکداریێ د بەھیا نەوشێروان کەن
ئەڤرو نیوز :
ب مەرەما پشکداریکرن د پرسەیا نەوشێروان موستەفا رێکخەرێ گشتیێ تەڤگەرا گۆڕان نوونەرێ سەرۆکێ ھەرێما کوردستانێ و شاندەکێ مەکتەبا سیاسی یا پارتی دیموکراتی کوردستان گەھشتنە سلێمانیێ.
ل گورەی زانیاریێن ئەڤرو نیوز سیداد بارزانی وەکو نوونەرێ سەرۆکێ ھەرێما کوردستانێ مەسعود بارزانی و ئەندامێ سەرکرداتیا پارتی دیوکراتی کوردستان دێ پشکداریێ د بەھیا نەوشێروان موستەفای دا کەت ، و دیسان شاندنێ مەکتەبا سیاسیا پارتی دیوکراتی کوردستان ژی کو پێکھاتیە ژ ” دکتور رۆژ نوری شاویس ، ھوشیار زێباری و ئەدھەم بارزانی “بو ھەمان مەرەم گەھشتنە سلێمانیێ.
دوھی دەمژمێر ٨:٠٠ شورەش حاجی ئاخفتنکەرێ تەڤگەرا گۆِران نوچەیێ وەغەرکرنا نەوشێروان موستەفا ل کەنالێ فەرمیێ گۆڕانێ بەلاڤکر ، و ئەڤرۆ دەمژمێر ١٠:٠٠ێ سپێدێ تەرمێ ناڤبری ب بەرھەڤبوونا کەس و کار و ھژمارەکا ئەندام و نوونەر و سەرکردێن پارت و لایەنێن سیاسی و جەماوەرەکێ زۆر ل گرێ زەرگەتە ل سلێمانیێ ھاتە ڤەشارتن.
