نوونەرێ یانا زاخۆ :ھەلبژارتنێن تەپا پێ ل پارێزگەھا دھۆکێ نەد دادپەروەری بوون
ئەڤرۆ نیوز، ھەژار مەعروف:
نوونەرێ یانا زاخۆ د ھەلبژارتنێن تەپا پێ یا پارێزگەھا دھۆکێ دا سەگڤان سەعید د داخویانیەکا تایبەت دا بۆ ئەڤرۆ نیوز دیارکر ھەلبژارتنێن دوھی یێن ئێکەتیا تەپا پێ ل دھۆکێ ھاتینە کرن نەد دادپەروەری بوون ژبەرکو چەند کەسان بتنێ بخوە کارکری یە و ئێکەتیا تەپا پێ چو یانە زیکا ئاگادارنەکری بوون و بتنێ بەری ھەلبژارتنا ب رۆژەکێ یانە ھاتینە ئاگادارکرن .
ناڤبری دیارکر ژی بەری ھەلبژارتنا ب سێ رۆژان سەروک و سکرتێرێ ئێکەتیا تەپا پێ یا پارێزگەھا دھۆکێ ل یاریگەھا یانا زاخۆ ئامادەبوون بۆ دیتنا یاریا خولا عیراقێ لێ ئەوان یانا زاخۆ ئاگادار نەکر بۆ دەمێ دروست یێ ھەلبژارتنان .
زێدەتر نوونەرێ زاخۆ دیارکر چەندین سالە ئەڤ کەسە ئێکەتیا تەپا پێ یا پارێزگەھا دھۆکێ ب رێڤەبن ھەکە دەلیڤە بۆ چەند کەسێن دی ھاتبا دانێ دا گەلەک وەرزشڤان خوە ھەلبژێرن لێ ئێکەتیا تەپا پێ یا پارێزگەھێ چو وەرزشڤان و یانە بەری ھەلبژارتنا ب چەند رۆژان ئاگادار نەکربوون ژبەرکو ئەوان ب خوە بتنێ کارتکر.
