نوونەرەک: گۆڕان کار ل سەر لاوازکرنا پێگەھێ ھەرێمێ ل بەغدا دکەت
ئەڤرۆ نیوز:
ئەندامەکێ جڤاتا نوونەرێن عیراقێ راگەھاند، بزاڤا گۆڕان ھەولددەت بادەکا پەترۆلا کوردستانێ رادەستی بەغدا بھێتە کرن، دیارکر ژی ب چو شێوەکی ئەو چەندە سەرناگریت.
بریارە سەرۆکێ حوکمەتا ھەرێما کوردستانێ سەرەدانا بەغدا بکەت، ل دووڤ باسنیۆز، بەری سەرۆکێ حوکمەتێ دیداران ل گەل بەرپرسێن حوکەمەتا بەغدا بکەت، دێ ل گەل ھندەک لایەنێن کوردی کۆمبیت، کو پێشبینی دھێتە کرن، پێداچوون ل سەر وێ چەندێ بھێتە کرن کو گۆڕان داخواز کریە بادەکا پەترۆلێ رادەستی بەغدا بھێتە کرن، بایەزید حەسەن ئێک ژ بەرپرسێن بزاڤا گۆڕان و رێکخەرێ وێ بزاڤێ بۆ کاروبارێن پەرلەمان و حوکمەتا عیراقێ و ئەندامێ بەرێ ییچ لژنا پەترۆل و غازێ ل پەرلەمانێ عیراقێ، سەرەرای داخوازیا وی ژ ھەولێرێ کو دانوستاندنان ل گەل بەغدا بکەت، راگەھاندیە، بجھئینانا رێککەفتنا ئیمزاکری د ناڤبەرا ھەولێرێ و بەغدا ژلایێ حوکمەتا ھەرێما کوردستانێ، ژ ئەگەرێ زەلال نەبوونا سیاسەتا پەترۆلی یا ھەرێمێ، بۆ ھەرێما کوردستانێ گەلەک یا ب مفایە.
رێناس جانۆ ئەندامێ پەرلەمانێ عیراقێ ژ فراکسیۆنا پارتی دیموکراتی کوردستان گوت” ئەم ئاگەھدارین ل سەر ھەولێن بزاڤا گۆڕان، گۆڕان دڤێت ھەر چ ھەیە بکەت، ھەر پێنگاڤەک بۆ لاوازکرنا حوکمەتا ھەرێمێ و پێگەھێ حوکمەتێ ھەبیت یا ئەنجامددەت و ھەر کارەک بۆ لاوازکرنا پێگەھێ حوکمەتا ھەرێما کوردستانێ ل بەغدا ھەبیت گۆڕان یا کاری ل سەر دکەت، ئەڤ چەندە ژی ل پێناڤی وێ ئێکێ یە کو گرفت ل ھەرێما کوردستانێ دروست ببن ھەتاکو قەرەبوویا ھەلویستێ خوە پێ بکەن”.
ل دۆر وی دەنگوباسێ ل دەزگەھێن راگەھاندنێ ھاتیە بەلاڤکرن کو پارتی داخواز یا ژ ئەیاد عەلاوی ناڤبریێ بکەت د دناڤبەرا پارتی و گۆڕانێ، رێناس جانۆ دبێژیت” د بەیانناما مەکتەبا سیاسی یا پارتی دیموکراتی کوردستان دا، یا دیارە کو پارتی نەڤێت چو کەسەک ناڤبریێ د ناڤبەرا وێ و گۆڕانێ دا بکەت، ئەوا چەندا ھاتیە گوتن ژی د ھندەک دەزگەھێن راگەھاندنێ دا کو ئەیاد عەلاوی یێ ھاتیە راسپاردن بۆ ناڤبریێ چو راستی بۆ نینە، مە ڕێ ل چو دوستێن خوە نەگرتیە کو بۆچوون ھەبن، ب رێز ڤە ژی دێ بۆچوونێن وی ھێنە بەحسکرن، بەلێ نە ژلایێ پارتی ڤە ئەو داخوازیە ھاتیە کرن و نە داخوازیەکا وەسا ژی ھاتیە کرن کو خەلکەک بھێنە دناڤ بابەتی دا، ھەکە خەلکەکی ژی دەستپێشخەریەک کربیت ئەو وان یا ژ دەڤ خوە کری، د کۆمبوونەکا مە دا ژی ل گەل ئەیاد عەلاوی، بەرھەڤیا خوە دیارکر و یێ دلتەنگ بوو ژ رەوشا کوردستانێ”.
