نوچە ھاتە رەتکرن – زاخۆ دەرگەھێ ماددێن ھوشبەر نینە
ئەڤرو نیوز :
رێڤەبەریا نەھێلانا ماددێن ھوشبەر دراگەھاندنەکێ دا ئەو نوچە رەتکر کو بەحس ل وێ یەکێ دکەت کو دەرگەھێ گومرکا ئیبراھیم خەلیل ل زاخۆ بویە ژێدەرێ ئینانا ماددێن ھوشبەر بو ناڤا ھەرێما کوردستانێ.
ل گورەی نڤیسارەکا رێڤەبەریا نەھێلانا ماددێن ھوشبەر کو دانەیەک بۆ ئەڤرو نیوز ھنارتیە ، ئەو نوچە رەتکر کو بەحس ل وێ یەکێ دکەت کو دەرگەھێ ” گومرکا ئیبراھیم خەلیل ” ل زاخۆ ژێدەرێ ئینانا ماددێن ھوشبەر بو ناڤا ھەرێما کوردستانێ و دبێژیت: (چەند رۆژ بەریا نھا ئێک ژ مالپەرێن نافخوە بابەتەک لژێر ناڤ و نیشانێن “زاخۆ بویە دەرگەھێ گەھاندنا ماددێن ھوشبەر ” بەلاڤکر ، ئەم وەکو رێڤەبەریا نەھێلانا ماددێن ھوشبەر ھەردەم سەرەدەریێ ل گەل داتا و ھژمار و بەلگەنامەیان دکەین ، ژبەرڤێ وێ یەکێ بو رایا گشتی روون دکەین کو ئەڤ بابەتە دوورە ژ راستیێ و چوو ئەسل و ئەساس و راستی بوو نینە و رەت دکەین ، و ئەو رێیا کو بۆ بەلاڤکرنا ماددێن ھوشبەر دھێتە بکارئینان ” وەکو د وێ بەلاڤکرنا مالپەری دا ھاتیە ” دکەڤیتە دەرڤەیێ سنوورێ ھەرێما کوردستانێ و چوو پەیوەندی ب سنوورێ قەزا زاخۆڤە نینە)
زێدەتر ھاتیە: (ئەم وەکو رێڤەبەریا نەھێلانا ماددێن ھوشبەر بەری لێدوان و رەتکرنا ھەر نوچەیەکێ ، داخوازین کو ھەر دەزگەە و کەسەک داخوازا زانیاریان ل رێڤەبەریا نەھێلانا ماددێن ھوشبەر بکەنت و ئەم ژی ھەردەم بەرھەڤین زانیاری و بەلگەیان لسەر ماددێن ھوشبەر بەرچاڤ بکەین)
