نڤيسارا به‌لاڤكرنا مووچه‌ى ژ لايێ وه‌زاره‌تا دارايى ڤه ده‌ركه‌فت
ئه‌ڤرۆ نيوز:
وه‌زاره‌تا دارايى و ئابوورى پشتى هووربينى ل سه‌ر ليستا مووچێن وه‌زاره‌تا پێشمه‌رگه‌ى، نڤيسارا تايبت ب مه‌زاختنا مووچێ ئيلۆنێ يێ وێ وه‌زاره‌تێ ده‌ركر.
باسنيوز ژ زارده‌ڤێ ژێده‌ره‌كێ تايبه‌ت ل ناڤ وه‌زاره‌تا دارايى و ئابوورى ل حوكمه‌تا هه‌رێما كوردستانێ به‌لاڤكريه كو ل دووماهيا حه‌فتيا بۆرى هووربينى بۆ ليستا مووچێ هه‌يڤا ئيلۆنێ يێ وه‌زاره‌تا پێشمه‌رگه‌ى كر، به‌لێ نڤيسار پێ نه‌هاته ده‌ركرن.
دا زانين كو ئه‌ڤرۆ رۆژا سێشه‌مبى 8ى چريا دويێ 2016 رابه‌ر سه‌ديق، بريكارێ وه‌زاره‌تا دارايى و ئابوورى ل حوكمه‌تا هه‌رێما كوردستانێ ئيمزا ل سه‌ر كر و نڤيسارا مه‌زاختنا مووچێ وه‌زاره‌تا پێشمه‌رگه‌ى كر و ده‌رچوون بۆ نڤيسارێ كر.
ژێده‌رى پێشبينيا وێ چه‌ندێ ژى كريه كو د داهاتيه‌كێ نێزيك دا مووچێ هه‌يڤا ئيلۆنێ ده‌ست پێ بكه‌ت و وه‌كو هه‌رجار ژى دێ پێشمه‌رگه وه‌كو دامه‌زاوا ئێكێ يا حوكمه‌تا هه‌رێما كوردستانێ مووچێ خوه وه‌رگريت و گۆت: “ره‌نگه دووماهيا ڤێ حه‌فتيێ مووچه بهێته به‌لاڤكرن”.
