نڤيسه‌ره‌كێ سعودى: قودس ئاخا ئيسرائيلێ يه
ئه‌ڤرۆنيوز:
نڤيسه‌ر ورۆژنامه‌ڤانه‌كێ سعودى دبه‌رپه‌رێ خوه ل سه‌ر تويته‌رى به‌لاڤكر كو تنێ رۆژهه‌لاتا قودسێ بۆ فلستينيا يا گرنگه ورۆژئاڤا قودسێ ئاخا ئيسرائيلێ يه.
سالح فهێد، نڤيسه‌ر ورۆژنامه‌ڤان ل رۆژناما “عوكاز” يا سعودى دتويته‌رێ خوه‌دا به‌لاڤكر” خه‌لكێ فلستينێ دهه‌ڤسۆز نينن ل گه‌ل ته ول گه‌ل كێشێن ته، به‌لكو دچنه رێزا دۆژمنێن ته، ژبه‌ر حه‌ز ته ناكه‌ن، سه‌ره‌راى ڤێ چه‌ندێ داخواز ژته دكه‌ن يێ هه‌ڤسۆز بى ل گه‌ل كێشا وان”.
فهێد گۆت ژى” ئه‌و قودسا ترامپى دانپێدان پێكرى وه‌كو پايته‌ختێ ئيسرائيلێ ودێ باليۆزخانا خوه ڤه‌گۆهێزيتێ، رۆژئاڤايا قودسێ يه كو دكه‌ڤيته دناڤ هێلا سنورى يا سالا 1967 دا، وئه‌وا فلستينى وعه‌ره‌ب داخوازا وێ دكه‌ن رۆژهه‌لاتا قودسێ يه، نه‌كو رۆژئاڤايا قودسێ، ده‌ستپێشخه‌ريا عه‌ره‌بى ژى دانپێدانێ دكه‌ت كو رۆژئاڤايا قودسێ ئاخا ئيسرائيلێ يه”.
گۆت ژى” وه‌لاتێ مه قودسا مه‌يه ودلێ مه يێ پێڤه وبه‌رژه‌وه‌نديێن مه دگرنگترن كو قوربانيێ پێ بده‌ين ژبۆ هنده‌كێن دژى ته و يێ مرنا ته دخوازن”.
