نڤيسه‌ر و رۆژنامه‌ڤانه‌كێ عيراقى و دۆسته‌كێ گه‌لێ كورد وه‌غه‌ركر
ئه‌ڤرۆ نيوز:
ئه‌ڤرۆ پێنجشه‌مبى 10/10/2019 پشتى هه‌ڤركيه‌كا زۆر ل گه‌لنه‌خوه‌شيێ، نڤيسه‌ر و رۆژنامه‌ڤانێ عيراقى و هه‌ڤده‌م دۆستێ گه‌لێ كورد (عه‌دنان حسێن) ل نه‌خوه‌شخانه‌كا له‌نده‌ن گيان وه‌غه‌ركر.
عه‌دنان جسێن خه‌لكێ پارێزگه‌ها بابله و ل سالێن حه‌فتيان پشكا راگه‌هاندنێ ل كوليژا ئادابێ ب دووماهى ئينابوو و ژييه‌كێ درێژ ل گه‌ل نڤيسين و كارێ رۆژنامه‌ڤانى بريه.
ناڤبرى ل چه‌ندين رۆژنامه و كوڤارێن عه‌ره‌بى كاركريه وه‌كو ( الشرق الاوسط) و ( المدى) كو جێگرێ سه‌رنڤيسه‌رێ وێ بوو.
عه‌دنان حسێن دۆسته‌كێ نێزيك يێ گه‌لێ كورد بوو و به‌رده‌وام د نڤيسينێن خوه دا به‌رگرى ژ مافێن خه‌لكێ كوردستانێ دكر، ل ده‌مێ سه‌پاندنا سزايان ژ لايێ حه‌يده‌ر عه‌بادى سه‌رۆك وه‌زيرێن عيراقێ يێ به‌رێ، پشتى ريفراندۆما سه‌ربخوه‌يا كوردستانێ، گه‌له‌ك ره‌خنه ل حوكمه‌تا عراقێ و عه‌بادى گرتن.
ل سالێن نوتان دا به‌رده‌وام هاتنوچوونا هه‌رێما كوردستانێ دكر وراپۆرت و نڤيسينێن بابه‌تيانه ل سه‌ر هه‌رێما كوردستانێ به‌لاڤ دكرن.