نڤیسه‌رەکێ ناڤدارێ توركیا:پێدڤیە توركیا پشتا هه‌رێما كوردستانێ بگریت
ئەڤرۆ نیۆز،زنار تۆڤی:
فه‌همی كۆرو نڤیسه‌رێ ناڤدارێ توركیا،د نڤێسینەكێدا داخوازێ ژ حوکمه‌تا توركیا دکەت،کو ده‌ستێ سه‌رۆك مه‌سعود بارزانی بگرن، چونكی كورد و توركان مێژوویه‌كا دوور و درێژ یا برایه‌تی و دۆستایه‌تیێ یا هەڤبەش د ڤێ جوگرافیێ دا هه‌یه.
كۆرو د نڤێسینا خۆ دا كو ل مالپه‌رێ (T24) بەلاڤەکریە، ئاماژێ ب هندێ ددەت،کو پێدڤیە ئه‌نقەرە ب جوانی تابلۆیێ نوکە یێ هه‌رێما كوردستانێ بخوینی تەڤه، چونكی مفا بۆ تورکیا هه‌یه.
هەروەسا دیارکریە ئەرێ هەکە سەرۆك بارزانی ژ تابلۆیێ سیاسی بچیته ده‌رڤە،مفا بۆ توركیا هه‌یه؟ ئەرێ باژێرێ كه‌ركووكێ ب ڤی حالێ نوکە کو د ده‌ستێ حه‌شدا شه‌عبی دابیت، بۆ توركیا باشتره یان ب ده‌ستێ كوردان دابیت؟، ئەز د‌پرسم بارزانی ب خۆ بەحس دکەت کو خیانه‌تی لێ هاتیه کرن،لەورا هەکە ئه‌نقه‌رە نوکە ل تانا وان بچیت و ده‌ستێ بارزانی و حوکمه‌تا هه‌رێمێ بگریت،د به‌رژه‌وه‌ندیا تورکیا دایە؟.
ئه‌و نڤیسه‌ره دبێژیت، پرسیار د زۆرن، به‌لێ به‌ری کو ئه‌نقەرە بەرسڤا وان پرسیاران بدەت، دڤێت بزانیت کو كورد و تورك د ڤێ جوگرافیێ دا دو بنه‌مایێن سه‌ره‌كینە،کو نەشێن دەست ژ ئێک بەردەن،لەورا دڤێت ئه‌نقەرە ب باشی هزر ل ڤی بابەتی بكەته ڤە.