نڤیسینگه‌عا عه‌بادى: دێ گوهۆرینان د پشكا بۆدجا هه‌رێمێ دا كه‌ین
ئه‌ڤرۆ نیوز:
سه‌عد حه‌دیسى په‌یڤدارێ نڤیسینگه‌ها راگه‌هاندنا حه‌یده‌ر عه‌بادى سه‌رۆك وه‌زیرێن عیراقێ راگه‌هاند، ئه‌و دێ پێداچوونێ د پرۆژه قانوونا بودجا 2018 یا عیراقێ كه‌ن و دێ گوهۆرینان ل به‌هرا هه‌رێمێ ژ بۆدجه‌ى كه‌ین، ب ره‌نگه‌كێ كو ل گه‌ل ژمارا ئاكنجیێن وێ بگونجیت و ببیته ئه‌گه‌رێ به‌لاڤكرنا سامانێ وه‌لاتى ب دادپه‌روه‌رانه.
موحسن سه‌عدون سه‌رۆكێ لژنا قانوونى ل په‌رله‌مانێ عیراقێ ئاماژه ب وێ یه‌كێ كر، ڤه‌كێشانا كوردان ژ پرۆسیا سیاسى ئێكه ژ بژاردان، ئه‌گه‌ر حوكمه‌تا عیراقێ گوهۆرینان د پشكه بۆدجا هه‌رێمێ یا پرۆژه قانوونا بودجێ عیراقێ بۆ سالا 2018 نه‌كه‌ت و 12% نه‌كه‌ته 17% ێ.
فه‌رهاد قادر په‌رله‌مانتارێ ئێكه‌تى ل جڤاتا نوونه‌رێن عیراقێ پێشتر راگه‌هاندبوو، نه ئیمزاكرنا پرۆژه بودجێ گشتى یێ عیراقێ بۆ سالا 2018 ژ ئالیێ حه‌یده‌ر عه‌بادى ڤه، په‌یوه‌ندى ب دانوستاندنێن ناڤبه‌را هه‌رێم و به‌غداڤه هه‌یه.