کونسولێ تورکیا – ریفراندۆما کوردستانێ نابیتە سەدەم دەرگەھێن سنووری بھێنەگرتن

ئەڤرۆ ، نەوزاد ھلۆری

پشتی نیڤرویا ئەڤرۆ پارێزگەرێ دھوکێ پێشوازیا کونسولێ گشتی یێ وەلاتێ تورکیا ل کوردستانێ و شاندنێ ل گەل دا کر و پاشان نڤیسینگەھا پێدانا ڤیزا تورکیا بو وەلاتیێنپارێزگەھا دھۆکێ ھاتەڤەکرن.
فەرھاد ئەتروشی پارێزگارێ دھۆکێ ئەڤرۆ پێشوازی ل محەمەد عاکف قونسولێ تورکیا ل ھەرێما کوردستانێ کر و بەحس ل پەیوەندیێن دناڤبەرا ھەرێم و تورکیا ژ روویێ ئابووری و بازرگانی کر ، و دیسان بەحس ل رولێ کومپانیێن تورکیا ئەوێن پروژێن خوە ل دەڤەرێ ئەنجام ددەن و گرنگیا ڤەکرنا نڤێسینگەھا کونسلخانەیا تورکیا بو دانا ڤیزایێ بو وەلاتیێن پارێزگەھا دھوکێ و چەند بابەتێن دی کرن)

کونسولێ تورکیا د چەند لێدوانەکێن رۆژنامەڤانی دا دیارکر کو دەرگەھێ ئیبراھیم خەلیل ناھێتەگرتن و دێ ھەر کارێن خوە کەتن و گۆت: ( ریفراندۆما ھەرێما کوردستانێ نابیتە سەدەما ڤەقەتیانا پەیوەندیێن ئابووری و گرتنا سنووران و دخوازم کو کورد گوھداریا چوو ئاخفتنان نەکەن و بەردەوام بن لسەر خەباتا خوە )
ژلایەکێ دنڤە پارێزگارێ دھۆکێ خوشحالیا خوە دیارکر ھەمبەر ڤەکرنا نڤێسینگەھا کونسلخانەیا تورکیا بۆ پێدانا ڤیزا تورکی بو وەلاتیێن پارێزگەھا دھۆکێ و گوت : ( پێدانا ڤیزا تورکیا بو وەلاتیێن دھۆکێ دێ گەلەک ئاسانکاریا بو خەلکێ پارێزگەھا دھۆکێ کەتن تایبەتی کەسانێن نەساخ بازرگان و خەلکێ پێدڤی ئەوێن کو بڤێن سەرەدانا تورکیا بکەن ، وەکو پارێ.گەھا دھۆکێ پشتەڤانیا خوە بو ھەر ھاریکاریەکێ ل گەل نڤێسینگەھا کونسلخانەیا تورکیا دکەین)

کۆمێنتا تە