نڤێسینگەھا سەروک بارزانی روونکرنەکێ بەلاڤ دکەت
ئەڤرۆ نیوز:
پشتی بەلاڤ بوونا چەند پەیامەکا ژلایێ راگەھاندن و تورێن جڤاکی یێن وەلاتێ کوێتێ کو ب ناڤێ سەروک بارزانی بەلاڤ کریە و تێدا بەحس وێ چەندێ کریە کو پشتی رووخیانا رژێما بەعس ل عیراقێ سەروک مەسعود بارزانی بۆ وان دیارکریە کو ھندەک جھێن بێ سەروشوونێن کوێتی ل ھەرێما کوردستانێ ھەنە.
راگەھانکارەکێ کوێتی ب ناڤێ نەجم عەبدولکەریم ئاماژە دایە بابەتەکی کو سەروک مەسعود بارزانی ئەو ئاگەھدارکریە کو ھندەک بێ سەرووشینێن شەرێ عیراقێ و کوێتێ ل سەر دەمێ رژێما بەعس ل ھەرێما کوردستانێ ھەنە لەورا سەروک بارزانی ئەڤ چەندە ب نەراست ل قەلەم ددەت کو ب ناڤێ وی بەلاڤ کرین، دیارکر کو ھەردەمێ وی پێزانین ل سەر ڤی کارێ مروڤایەتی ھەبوون ئەو دێ حوکمەتا وەلاتێ کوێتی ئاگەھدار کەت کو خەلکێ ھەرێما کوردستانێ ھەمان خەم ھەیە ئەو ژی ھێشتا گەلەک وەلاتیێن کورد ل باشورێ عێراقێ ھاتینە بێ سەرووشوین کرن ل سەر دەستێ رژێما بەعس یا بەری نوکە ل عیراقێ کو ھەتا نوکە چارەنڤیسێ وان نە یێ دیارە.
