نۆجێفی: عیراق یا بەر ب پارچەبوونێ دچیت
ئەڤرۆ نيوز:
جێگرێ بەرێ یێ سەرۆک کۆمارێ عیراقێ راگەھاند ھەکە سیاسەتا تائیفی یا ل عیراقێ ھەی و دەستێوەردان ھەر ھوسا یا بەردەوام بیت، عیراق دێ بەر ب پارچەبوونەکا ب نەچاری ڤە چیت و بیتە چەند پارچەک.
ئوسامە نوجەیفی کو سەرۆکێ کۆتلا موتەحدونە ژی بۆ رۆژناما شەرقولئەوسەت چاپا لەندەنی راگەھاند ژی کو حوکمەتا عیراقێ کارێ جدی بۆ رزگارکرنا نەینەوا نەکریە و بەری چەند ھەیڤا سوپایێ ئەمریکا دو فرقێن سەربازی بۆ ئازادکرنا نەینەوا دروستکربوون، لێ پشکداری د شەرێ روودمادی دا کر و چو ھێز بۆ نەینەوا نەماینە و گۆت:(مە ھاریکاری یا ژ ھەرێما کوردستانێ و تورکیا وەرگرتی و بۆ ئازادکرنا مووسل ئەم پشتا خوە ب خەلکی و ولاەتیێن باژێرێ مووسل گەرم دکەین و ژ بلی ڤێ مە چو ھیڤیێن دی نینن).
