نیویورک تایمز : شکەستنا داعش ، ب رامانا سەربخویی و دەولەتا کوردان دھێت
ئەڤرۆ نیوز ، نەوزاد ھلۆری:
روژنامەیا نیویورک تایمز یا ئەمریکی گوتارەکا عەیزی ئەحمەد بناڤ و نیشانێن ” شکاندنا داعش و سەربخویی یا کوردستانێ ” بەلاڤکریە و تێدا ھاتیە کو ب شکاندنا داعش نابیت شاشی بھێنە دوبارەکرن ، و نابیت ژی پشتی ١٠٠ سالان لسەر ئێکپارچەیی یا عیراقێ دەرباز ببن و دڤێت کوردستان ریفراندومێ ئەنجام بدەت داکو سەربخوەیا خوە رابگەھینیت ، ئەڤ یەک ژی ئاریشەیان بو چوو لایەنان درۆست ناکەن و چوو جاران ژی ھەولێر و بەغدا دەستێوەردان د ھەلبژاردنێن تورکیا و ئیرانێ نەکرینە داکو ئەو بکەن.
حەفتیا بوری حەیدەر عەبادی سەروک وەزیرێن عیراقێ شکەستنا داعش ل موسل و سەرکەفتنا ھێزێن عیراقی ب سەر وان راگەھاند ئەڤ یەک ژی پشتی شەرەکێ خونا وی دناڤبەرا تیرورستان و سوپایێ عیراقێ ب ھەڤکاریا ھێزێن پێشمەرگەی گەھشتە ئەنجامان پشتی سێ سالان ژ لسەر داگیرکرنا موسل ژلایێ تیرورستان.
دپشکەکا دن یا گوتارا خودا دبێژیت : (ھێشتا دەڤەرێن بەفرەە یێن عیراقێ لژێر دەستێ داعشێ دا ھەنە ، زور ئەرک لسەر ملێن ھێزێن عیراقیان ھەنە ، بەلێ نسبەتی کوردان نابیت ھەڤپشکبوونا ھێزێن کوردی ل گەل عیراقی بھێنە سیاسیکرن ، داکو کوردستان پێنگاڤێن پێدڤی ب ھاڤێژیت دێ ریفراندومێ گریتە بەر کو ئەو ژی رۆژا ٢٥ ئیلونا ئەڤ سالە دێ ریفراندومێ ئەنجام دەتن ، ب ھزرا من ئەڤ ریفراندومە دێ کارتەکا باش بیت بو دانوستاندنێن ل گەل عەبادی ، دئەنجامێ رێکەفتنا ھەولێر وەکو پایتەختێ کوردستانا عیراقێ و بەغدا وەکو پایتەختێ عیراقێ ھێشتا ژی ھەرەشە لسەر سنوورێن وان ھەنە ، ھییڤە نەتەوەیێن ھەڤگرتیێن ئەمریکا بو حکومەتا عیراقێ پشتگرێدانێ ب حکومەتا کورد و عیراقیان گرێدەت ، پێدڤی یە واشنتوون بەغدا پال بدەت بو دانوستاندنێ ل گەل ھەولێر داکو دووبارە رێکخستنا دەڤەرێ بھێتەکرن )
نڤیسەر زێدەتر دیاردکەت کو گەشتا سەربخویا کوردستانێ ل سالا ١٩٩١ دەست پێ کریە و دبێژیت ژی: ( پشتی کو کوردان دژی سەدام سەرھلدان کرین و پشتی سەدان سالان ژی ژ ئێکگرتنا عیراقێ کو ب زوری ھاتیە چێکرن ، عیراق ھەر یا بەردەوامە لسەر تێکدانا خەونێن گەلێ خوە ) نڤیسەر ددەتن دیارکرن ژی کو ل سالا ٢٠٠٣ کوردان دەرفەتەکا دن دا عیراقێ دا کو زێدەتر مافێن کوردان بەرجەستە بکەت ، بەلێ عیراقێ دیسان شکەستن خوار و سووزێن خوە نەبرنە سەری و کورد وەکو ھەڤپشکێ رێڤەبرنا عیراقێ قبول نەکر ، ئەم وەکو کورد رەت دکەین کو سەربخویا کوردستانێ ببیتە ئەگەرا نە ئارامیێ ل عیراقێ ژبەرکو عیراق بخوە د رەوشەکا نە ئارام دا دژیت و ئالوزی و قەیرانێن عیراقێ مەزنترین ھەرەشەنە بو تێکچوون و پارچەبوونا عیراقێ و ب ناڤچوونا داعشێ ژی دیسان ئەو ھەرەشە دوماھی ناھێن ، ل عیراقێ تایبەتمەندی زێدەتر بو شیعەیان ھەیە ، و ھەموو کەمینەیێن وان ھاتینە پشتگوە ھاڤێتن ھەر ئەڤ یەک ژی بوویە کو داعش بھێتە عیراقێ)
د شەش مەھێن بوری دا داعش ژ روویێ سەربازی ڤە ھاتیە شکاندن و بەری کو شاشیێن بوری بھێنە دووبارەکرن پێدڤی بوو ھەلسەنگادنەکا ژێواری ژلایێ ھەولێر و بەغدا و واشنتون ھاتبایەکرن ، ھەر چەندە کو نھا چوو ئالوزی لسەر دیارکرنا سنووران نینن بەلێ رێکەفتنێن بنەرەتی ھەنە بو پێکڤەژیان وەکو دوو دەولەتێن سەربخو و جیران کو ئەڤ یەک ژی چوو گورانکاریان ل عیراقێ درۆست ناکەن ، بەلکو دێ زێدەتر پەیوەندیێن وان ب ھێز بن مینا پەیوەندیێن ئابووری و بازرگانی و ئاسایش ، چوو جاران ژی بەری نھا ھەولێر و بەغدا دەستێوەردان د ھەلبژاردنێن تورکیا و ئیرانێ وەرنەدایە بەلکو ڤیایە وەکو دوو جیران پێکڤە بژین و قانونێن وان سەروەربن ، نڤیسەری ھوسا گوت.