نێچيرڤان بارزانى به‌رسڤا عه‌بادى دده‌ت
ئه‌ڤرۆنيوز:
سه‌رۆك وه‌زيرێن هه‌رێما كوردستانێ به‌رسڤا حه‌يده‌ر عه‌بادى سه‌رۆك وه‌زيرێن عيراقێ دده‌ت ل دۆر وێ چه‌ندێ كو هه‌رێما كوردستانێ ب هه‌موو مه‌رجێن عيراقێ رازى بوويه.
ئه‌ڤرۆ پێنجشه‌مبى 25/1/2018، نێچيرڤان بارزانى سه‌رۆك وه‌زيرێن هه‌رێما كوردستانێ ل دافوس راگه‌هاند” ئه‌وا ل به‌يانناما حه‌يده‌ر عه‌دبادى ل سه‌ر كۆمبوونا دوهى يا دناڤبه‌را مه دا هاتى يا دووره ژ راستيێ وب چو شێوه‌كى مه به‌حسێ وان تشتان نه‌كريه يێن دبه‌يانناما حوكمه‌تا عيراقێ دا هاتى ومه نيگه‌رانيا خوه يا دياركرى كو نه‌دبو ئه‌و به‌ياننامه بهێته به‌لاڤكرن”.
نێچيرڤان بارزانى دبێژيت” هه‌لويستێ هه‌رێما كوردستانێ گه‌له‌ك يێ رۆهن وئاشكرايه كو هه‌رێمێ دڤێت ئه‌و كێشێن هه‌ين دچارچۆڤێ دستوورێ عيراقێ دا بهێته چاره‌سه‌ركرن”.
دوهى دبه‌ياننامه‌كا حه‌يده‌ر عه‌بادى سه‌رۆك وه‌زيرێن عيراقێ ل سه‌ر كۆمبوونا وى ل گه‌ل نێچيرڤان بارزانى ل دافوس ل سويسرا راگه‌هاندبوو” هه‌رێما كوردستانێ ب هه‌موو مه‌رجێن عيراقێ رازى بوويه وسه‌رجه‌مێ په‌ترۆلا خوه ژى دێ راده‌ستى عيراقێ كه‌ت”.
