نێچیرڤان بارازنی پێشوازیێ ل كۆمه‌كا گه‌نجێن داهێنه‌ر دكه‌ت
سه‌رۆكێ هه‌رێما كوردستانێ، نێچیرڤان بارزانی، پێشوازی ل هه‌ژماره‌كا وان گه‌نجان كر كو خوه‌به‌خشانه كاركر و شیان ب سه‌ركه‌فتیانه زمانێ كوردی (زارێ سۆرانی) بۆ سه‌ر خزمه‌نگوزاریا وه‌رگێرانا گووگلی زێده بكه‌ن.
د دیدارێ دا چاوانیا دیاربوونا هزرا زێده‌كرنا زمانێ كوردی بۆ گووگلی و قۆناغێن كاركرنێ تێدا ژئالیێ پشكداران ڤه هاتنه به‌رچاڤكرن، هه‌روه‌سا پۆخته‌ك ل دۆر پلان و به‌رنامێن خوه بۆ پاشه‌رۆژا وان كۆمپانیێن ته‌كنه‌لۆژیایێ یێن به‌رهه‌مێن وان ل كوردستانێ دهێنه فرۆشتن، بۆ وێ چه‌ندێ سۆفتوێرێ كوردی بۆ ئامیرێن خوه زێده بكه‌ن، باس كر.سه‌رۆكێ هه‌رێمێ ب گه‌رمی ده‌ستخوه‌شی ل وان گه‌نجان به‌رهه‌ڤی دیدارێ بووین و هه‌موو ئه‌وێن كو ل كوردستانێ یان هه‌ر جهه‌كی ل ده‌رڤه‌ی وه‌لاتی، بۆ ڤی پرۆژه‌ی و پێشتر ژی بۆ زێده‌كرنا زارێ كرمانجی و هه‌موو ئه‌و خزمه‌تێن دڤی بواری دا وه‌كو دروستكرنا كیبۆرد و فۆنتێن كوردی، ره‌نج و وه‌ستیان كێشای و كار و به‌رهه‌م و ئه‌نجامێ بزاڤێن هه‌موویان ب جهێ رێزێ و پێزانینێ و خزمه‌تا زمان و كه‌لتووری كوردی هه‌ژمارت و هه‌موو پشته‌ڤانیه‌ك بۆ وی گرۆپێ گه‌نجا و هه‌موو یێن دخوازن د بوارێن ئایتی و ته‌كنه‌لۆژیایێ داب ۆ پێشڤه‌برنا زمانێ كوردی زمه‌تێ بكه‌ن، دووپاتكر.
