نێچیرڤان بارزانى داخازا پشكا هه‌رێمێ ژ قه‌رێن حوكمه‌تا عیراقێ دكه‌ت
ئه‌ڤرۆ نیوز:
نێچیرڤان بارزانى سه‌رۆكێ حوكمه‌تا هه‌رێما كوردستانێ داخاز ژ پاتریك سیمۆنى بالیوزێ ئێكه‌تیا ئورۆپا ل عیراقێ كر كو جڤاكى نێڤده‌وله‌تى پشكا هه‌رێمێ ژ وان قه‌ران دابین بكه‌ت یێن كو دێ ب حوكمه‌تا عیراقێ هینه دان.
نێچیرڤان بارزانى د دیداره‌كێ دا ل گه‌ل بالیۆزێ ئێكه‌تیا ئورۆپا به‌حسێ برینا پشكا بۆدجا هه‌رێمێ ژ ئالیێ به‌غدا ڤه كر و گۆت” برینا بودجه‌ى و هاتنا ژماره‌كا زۆر یا ئاواران و ئه‌رزانبوونا بهایێ نه‌فتێ كارتێكرنێن زور نه‌رێنى ل سه‌ر ره‌وشا هه‌رێما كوردستانێ دروست كرن”.
نێچیرڤان بارزانى ئاماژه ب پابه‌ندبوونا حوكمه‌تا هه‌رێمێ ب وان رێكار و چاكسازیان كر كو بۆ ده‌ربازبوونا قه‌یرانا داراییا هه‌رێمێ هاتینه دانان و گۆت” حوكمه‌تا هه‌رێمێ هیڤى خوازه جڤاكى نێڤده‌وله‌تى ب گشتى و ب تایبه‌ت دوست و هه‌ڤپه‌یمانێن مه، هه‌ڤكاریا هه‌رێمێ بكه‌ن و ب واقیعانه ته‌ماشه‌ى ره‌وشا هه‌رێما كوردستانێ بكه‌ن”.
