نێچیرڤان بارزانى سوپاسیا كۆمپانيا دارین گرۆپ دكه‌ت
ئه‌ڤرۆ نیوز:
ئه‌ڤرۆ د رێوره‌سمێن ڤه‌كرنا پرۆژێ ئاڤا دێره‌لۆك، نێچیرڤان بارزانى سه‌رۆكێ حوكمه‌تا هه‌رێما كوردستانێ سوپاسیا كۆمپانیا دارین گرۆپ كر كو پرۆژێن خزمه‌تگوزارى یێن مه‌زن ل ده‌ڤه‌رێ و سه‌رانسه‌رى كوردستانێ ئه‌نجام داینه
نێچیرڤان بارزانى سه‌رۆكێ حوكمه‌تا هه‌رێما كوردستانێ هه‌روه‌سا گۆت” دارین گرۆپ نێزیكى 180 ملیون دولار ئێخستینه د كارى دا بێى كو چ موسته‌حقاته‌كێ ژ حوكمه‌تێ وه‌ربگرن، هیچ پرۆژه‌یه‌كێ خوه ل ڤێ ده‌ڤه‌رێ رانه‌گرتیه، هه‌روه‌سا ڤێ كومپانیێ نه د شه‌رێ داعشدا پرۆژێن خوه راوه‌ستاندینه و نه نوكه ژى راگرتینه و دبه‌رده‌وامن، و به‌رده‌وامیدانا وان ب پرۆژان و د قه‌یرانا دارایى دا وێ یه‌كێ دسه‌لمینیت كو ڤێ كۆمپانیێ باوه‌رى ب حوكمه‌تا هه‌رێمێ یێ هه‌ى ب تایبه‌ت كاك زكرى به‌شير رێڤه‌به‌رێ كۆمپانیا دارین گرۆپ ل پارێزگه‌ها دهۆكێ كو د وێ باوه‌رێ دا یه كو حوكمه‌ت غه‌درێ لێ ناكه‌ت و وان ژى ئه‌ڤ پرۆژێن ده‌ڤه‌رێ به‌رده‌وامى پێ دایه داكو مفا بگه‌هته خه‌لكێ ده‌ڤه‌رێ”.
