نێچیرڤان بارزانی:نێگه‌رانيا شه‌ش لايه‌نان ب جدى وه‌ردگرين
ئه‌ڤرۆنيوز:
پشتى ئه‌نجامدانا هه‌لبژارتنان وئاشكراكرنا ئه‌نجامێن به‌راهيێ، سه‌رۆك وه‌زيرێن هه‌رێما كوردستانێ، دكۆنفرانسه‌كێ رۆژنامه‌ڤانى دا راگه‌هاند، ب جدى دێ پشكدار بين ددانوستاندنان دا بۆ پێكئينانا حوكمه‌تێ.
نێچيرڤان بارزانى، سه‌رۆك وه‌زيرێن هه‌رێما كوردستانێ ئه‌ڤرۆ چارشه‌مبى 16/5/2018 گۆت” هيڤيدارين پشتى ڤان هه‌لبژارتنان ببيته ده‌ستپێكه‌ك بۆ وێ چه‌ندێ هه‌موو سياسه‌تمه‌دارێن عيراقى فێرى وانه‌كێ ببن، ئه‌وژى ئه‌وه كو زێده‌تر گرنگى بهێته دان ب پێدڤى وداخوازيێن خه‌لكێ عيراقێ ب شێوه‌كێ گشتى ژبۆ بده‌ستڤه‌ئينانا ژيانه‌كا به‌خته‌وه‌ر وره‌وشه‌كا باشتر ژروويێ خزمه‌تكارى وكارى بۆ خه‌لكى”.
ل دۆر نيگه‌رانيێن شه‌ش لايه‌نێن كوردستانى ژ ئه‌نجامێن هه‌لبژارتنان، نێچيرڤان بارزانى گۆت” ئه‌و شه‌ش لايه‌نێن نيگه‌رانيا خوه دياركرى ژ پرسا هه‌لبژارتنان ل سلێمانيێ وكه‌ركووكێ، بۆ تمامكرنا قافيا شعرا خوه هه‌ولێر ودهۆك ژى تێخست”.
دياركر” نيگه‌رانيا وان شه‌ش لايه‌نان ب جدى وه‌ردگرين ووه‌ك سه‌رۆك وه‌زيران داخوازێ ژ كۆمسيۆنێ دكه‌م گه‌له‌ك ب جدى كار ل سه‌ر بكه‌ت”.
