نێچیرڤان بارزانی:ژده‌ستدانا مه‌كين بۆ گه‌لێ كوردستانێ زيانه‌كا مه‌زنه
ئه‌ڤرۆنيوز:
سه‌رۆك وه‌زيرێن هه‌رێما كوردستانێ په‌يامه‌كێ ب هه‌لكه‌فتا وه‌غه‌ركرنا سيناتۆرێ ئه‌مريكى جۆن مه‌كين به‌لاڤ دكه‌ت.
نێچيرڤان بارزانى، سه‌رۆك وه‌زيرێن هه‌رێما كوردستانێ د په‌ياما خوه دا دبێژيت” وه‌غه‌ركرنا سياسه‌تمه‌دار ودۆست ودلسۆزێ گه‌لێ كوردستانێ جۆن مه‌كين ئه‌ز خه‌مباركرم، ب ڤێ هه‌لكه‌فتا خه‌مگين ژدل پرسه وسه‌ره‌خوه‌شيێ وهه‌ڤخه‌ميێ ل گه‌ل مالبات ودۆستێن وى دياردكه‌م”.
نێچيرڤان بارزانى گۆت ژى” ژده‌ستداتا جۆن مه‌كين بۆ گه‌لێ كوردستانێ زيانه‌كا مه‌زن بوو، ئه‌و دۆسته‌كێ دلسۆز يێ گه‌لێ كوردستانێ بوو وخه‌مخوور وپارێزه‌ره‌كێ سه‌رسه‌ختێ بده‌ستڤه‌ئينان وپاراستنا مافێن مه بوو، د هه‌موو ده‌ليڤه‌كێ دا به‌رگرى ژ گه‌لێ كوردستانێ ومافێن وێ دكر وبه‌رده‌وام بزاڤ دكرن بگه‌هيته مافێن خوه يێن ره‌وا”.
ئاماژه دا” گه‌لێ كوردستانێ چو جاران دلسۆزى وپشته‌ڤانيا مه‌كينى ژبير ناكه‌ت وبه‌رده‌وام دێ ل بيرا وى بيت”.
