نێچیرڤان بارزانی ئەڤرۆ دێ پرۆژەکێ کارەبێ ل سلێمانیێ ڤەکەت
ئەڤرۆ نيوز:
بریارە ئەڤرۆ نێچیرڤان بارزانی سەرۆک وەزیرێن ھەرێما کوردستانی سەرەدانا پارێزگەھا سلێمانیێ بکەت.
دھێتە چاڤەرێکرن نێچیرڤان بارزانی ل گەل کارگێریا پارێزگەھا سلێمانیێ کۆم ببیت و رەوشا وێ پارێزگەھێ گەنگەشە بکەت و ل دووڤ دا و ل دەڤەرا تەکیە یا سەر ب چەمچەمال ڤە، پرۆژێ وێستگەھا 400 کەیڤی یا بەرھەمئینانا کارەبێ ڤەکەت.
ژێدەرەکێ ژ جڤاتا وەزیران راگەھاند، سەرۆک وەزیرێن ھەرێما کوردستانێ د رێورەسمێن ڤەکرنا ڤی وێستگەھی دا دێ بەحسێ دووماھی بزاڤێن حوکمەتێ بۆ چارەکرنا کێشا کێمیا کارەبێ کەت و ئاماژێ ب وان پرۆژان کەت یێن ژ لایێ وەلاتێن ژاپۆن و چەند وەلاتێن دی ڤە بۆ دابینکرنا کارەبێ ل ھەرێما کوردستانێ دھێنە بجھئینان.
