نێچیرڤان بارزانی جودا پێشوازی ل بەرپرسێن دو وەلاتان دکەت
ئەڤرۆ نیوز:
نێچیرڤان بارزانی سەرۆک وەزیرێن ھەرێما کوردستانێ جودا پێشوازی ل قوونسلێ نوو یێ وەلاتێ روسیا ل ھەرێما کوردستانێ و جێگرێ وەزیرێ دەرڤە یێ چیکێ كر و کومبوون.
ئەڤرۆ رۆژا دوشەمبی رێککەفتی ١٥/٤/٢٠١٩ نێچیرڤان بارزانی سەرۆک وەزیرێن ھەرێما کوردستانێ پێشوازی ل جێگرێ وەزیرێ دەرڤە یێ چیکێ مارتن سمۆلێک کر و د کومبوونەکێ دا ب ئامادەبوونا قونسلێ چیکێ وی وەلاتی ئامادەیا خوە دەربری بۆ دانا ڤیزی بۆ بازرگان و ئەو قوتابیێن دڤێن ل وەلاتێ وان بخوینن، دیسان بریار دا کاربکەت بۆ ڤەکرنا نڤێسینگەھا نوونەراتیا ھەرێما کوردستانی ل پراگ پایتەختێ چیکێ و ئەڤ چەندە ژی بوو جھێ دلخوشیا سەرۆک وەزیرێن ھەرێما کوردستانێ.
ھەر ئەڤرۆ د دیدارەکا دی دا سەرۆک وەزیرێن ھەرێما کوردستانێ نێچیرڤان بارزانی پێشوازی ل قونسلێ نوو یێ وەلاتێ روسیا ل ھەرێما کوردستانێ ئولێگ ڤلادیمیرۆڤیچ کر و داخوازا سەرکەفتنێ بۆ کارێ وی یێ نوو ل ھەرێمێ کر و خواست روسیا رۆلێ خوە ل کوردستانێ بینت د بوارێن گەشتیاری و کارەبێ و بازرگانی و کشوکالیێ دا.
دیسان ھەر د ڤێ دیدارێ دا بەحس ل رەوشا سیاسی یا ھەرێمێ و بزاڤێن پێکئینانا حوکمەتا نوو ھاتە کرن دیسان بەحس ل رەوشا دەڤەرێ ژلایێ سیاسی و ئێمناھی ھاتە کرن.
